قازاقستاندىق بوكسشى سەكەن بيبوسىنوۆ دۋبايدا ٶتكەن ەلەم چەمپيوناتىندا التىن مەدال جەڭدٸ, دەپ حابارلايدى Dalanews.kz.
بيبوسىنوۆ 54 كگ سالماق دەرەجەسٸندە فينالدىق جەكپە-جەكتە قازاقستاننىڭ نامىسىن قورعادى. ونىڭ قارسىلاسى رەسەيلٸك سپورتشى ۆياچەسلاۆ روگوزين بولدى.
بوكسشىمىز بٸرٸنشٸ راۋندتا قارسىلاسىنا ەسە جٸبەرٸپ, ەسەپ 2:3 بولدى. الايدا ەكٸنشٸ راۋندتىڭ سوڭعى سەكۋندتارىندا ول قارسىلاسىن نوكداۋنعا جٸبەرٸپ, راۋندتى 5:0 ەسەبٸمەن ٶز پايداسىنا شەشتٸ. ٷشٸنشٸ راۋندتا تٶرەشٸلەردٸڭ ەكەۋٸ بيبوسىنوۆتى الدا دەپ باعالاسا, قالعان ٷشەۋٸ تەڭ نەتيجە دەپ كٶرسەتتٸ.
قوسىمشا تٶرەشٸلەردٸڭ شەشٸمٸ بويىنشا, بيبوسىنوۆ 5:2 ەسەبٸمەن جەڭٸسكە جەتٸپ, ەكٸ دٷركٸن ەلەم چەمپيونى اتاندى.
