ۇلكەن الماتى مەن اقساي وزەندەرىنىڭ جوعارعى اعىسىندا 114 مۇزدىق پەن 35 مورەنالىق كول بار. سۋ ارناسىنان تاسىسا 5 مىڭنان استام نىسان مەن 40 مىڭنان استام ادام ءقاۋىپتى ايماقتا قالۋى مۇمكىن.
بۇل بوگەتتەر مەگاپوليستىڭ ناۋرىزباي، اۋەزوۆ پەن الاتاۋ اۋداندارىنىڭ تۇرعىندارى مەن نىساندارىن قورعاۋدى قامتاماسىز ەتۋگە مۇمكىندىك بەرەدى. قۇرىلىستىڭ اياقتالۋ مەرزىمى – 2023 جىل.
باقىتجان ساعىنتايەۆ سۋمەن جابدىقتاۋ مەن سۋ بۇرۋ ينجەنەرلىك جەلىلەرىنىڭ قۇرىلىسى، سونداي-اق تاۋجولى ىقشام اۋدانىنداعى جولدىڭ قالاي قالپىنا كەلتىرىلىپ جاتقانىن تەكسەردى.
– تۇرعىندار جەلى تارتىلعان دوسمۇحامەدوۆ ماگيسترالدى كوشەسىنىڭ جاعدايىنا الاڭ. جولدى قالپىنا كەلتىرۋدى باستاۋ ءۇشىن مۇندا قالعان 40 ءۇيدىڭ يەلەرى جەلىگە قوسىلۋدى تەزدەتۋى ءتيىس. ءقازىردىڭ وزىندە مەردىگەر دايىندىق جۇمىستارىن جۇرگىزىپ جاتىر، – دەپ جازدى قالا اكىمى ءوزىنىڭ Instagram-داعى پاراقشاسىندا.
