قازاقستاننىڭ بٸلٸم جەنە عىلىم مينيسترٸ ەرلان ساعاديەۆتٸڭ مەلٸمدەۋٸنشە, قازاق-تٷرٸك ليتسەيلەرٸ جۇمىسىن جالعاستىرا بەرەدٸ. بۇل تۋرالى ول استانادا تامىز جينالىسىندا ايتتى.
«قازاقستان پرەزيدەنتٸنٸڭ قاۋلىسىنا سەيكەس, بٸلٸم جەنە عىلىم مينيسترلٸگٸنٸڭ كوميسسيياسى قۇرىلدى. بٸز تٷرٸك تاراپىمەن بايلانىسىپ وتىرامىز, بٸراق بۇنىڭ وقۋ پروتسەسٸنە قاتىسى بولمايدى. قازاقستاندىق بۇل [تٷرٸك ليتسەيلەرٸ] مەكتەپتەر جەرگٸلٸكتٸ ستاندارتتارمەن جۇمىس ٸستەيدٸ. بٸز ولاردى بٸرنەشە مەرتە تەكسەردٸك. ولارعا ەشقانداي سىنىمىز جوق, جۇمىستارىن جالعاستىرادى بەرەدٸ", - دەدٸ ساعاديەۆ.
5 تامىزدا انكاراعا ساپارمەن بارعان قازاقستان پرەزيدەنتٸ نۇرسۇلتان نازارباەۆ: تٷرٸك دٸن ۋاعىزداۋشى فەتحۋللاح گٷلەنمەن "تەررورلىق بايلانىسى" بار ەكەنٸ دەلەلدەنسە, "قازاقستان قازاق-تٷرٸك ليتسەيٸندە جۇمىس ٸستەيتٸن كەز كەلگەن ادامدى تٷركيياعا قايتارىپ بەرەدٸ", - دەپ مەلٸمدەگەن ەدٸ. انكارا گٷلەندٸ شٸلدەدەگٸ بٷلٸكتٸ ۇيىمداستىرعان دەپ ايىپتادى.
تٷركييا پرەزيدەنتٸ رەجەپ تايىپ ەردوعان قازاقستاندا "گٷلەنمەن بايلانىسى بار" 33 مەكتەپ جۇمىس ٸستەيدٸ دەپ مەلٸمدەگەن ەدٸ. ەردوعان استانادان سول مەكتەرگە قاتىستى شارا قولدانۋىن سۇراعان ەدٸ.
قازاقستانداعى 29 قازاق-تٷرٸك ليتسەيٸن, "نۇر وردا" جەكەمەنشٸك مەكتەبٸن, ەكٸ كوللەدجدٸ, سونداي-اق سٷلەيمەن دەميرەل اتىنداعى ۋنيۆەرسيتەتتٸ حالىقارالىق KATEV قورى قارجىلاندىرادى. ول 1997 جىلى بٸلٸم سالاسىنداعى ەرٸپتەستٸك تۋرالى ٷكٸمەتارالىق كەلٸسٸم نەگٸزٸندە قۇرىلعان ەدٸ.
