"شاڭىراق" قوعامدىق بٸرلەستٸگٸنٸڭ باسشىسى الماسبەك سادىربايعا قاتىستى قىلمىستىق ٸس نە سەبەپتٸ قارجىلىق مونيتورينگ اگەنتتٸگٸنەن ارنايى پروكۋرورلار قاراۋىنا ٶتكەنٸن باس پروكۋراتۋرا تٷسٸندٸردٸ, دەپ حابارلايدى Dalanews.kz Kazinform اگەنتتٸگٸنە سٸلتەمە جاساپ.
"قازٸرگٸ تاڭدا ا. سادىرباي قك-نٸڭ 190-بابىنىڭ 4-بٶلٸگٸنٸڭ 2-تارماعىمەن كٶزدەلگەن قىلمىستىق قۇقىق بۇزۋشىلىق جاسادى دەگەن كٷدٸكپەن الماتى جەنە جەتٸسۋ وبلىستارى بويىنشا قىلمىستىق-اتقارۋ جٷيەسٸ دەپارتامەنتٸنە قاراستى تەرگەۋ يزولياتورىندا كٷزەتپەن ۇستاۋ تٷرٸندەگٸ بۇلتارتپاۋ شاراسىمەن قاماۋعا الىنعان", - دەپ جازىلعان جاۋاپتا.
ايتا كەتۋ كەرەك, بۇل تارماق وسى باپتىڭ العاشقى 3 بٶلٸگٸندە كٶرسەتٸلگەن قىلمىستاردى اسا ٸرٸ مٶلشەردە جاساعان جاعدايدا قولدانىلادى. ونىڭ ٸشٸندە مەملەكەتتٸك فۋنكتسييالاردى ورىنداۋعا ۋەكٸلەتتٸك بەرٸلگەن ادامعا تەڭەستٸرٸلگەن تۇلعا رەتٸندە ادامدار توبىمەن سٶز بايلاسا وتىرىپ, ٶزٸنٸڭ قىزمەت بابىن پايدالانا وتىرىپ, اقپاراتتىق جٷيەنٸ پايدالانۋشىنى الداۋ نەمەسە سەنٸمٸن تەرٸس پايدالانۋ ارقىلى مەملەكەتتٸك ساتىپ الۋ سالاسىندا ەكٸ نەمەسە ودان دا كٶپ ادامعا قاتىستى بٸرنەشە رەت جاسالعان الاياقتىق جولمەن بٶتەننٸڭ مٷلكٸن جىمقىرۋ نەمەسە بٶتەن مٷلٸككە قۇقىقتى يەمدەنۋ ەرەكەتتەرٸ بار. كٷدٸكتٸنٸ سوت كٸنەلٸ دەپ تانىسا, مٷلكٸ تەركٸلەنٸپ, 10 جىلعا دەيٸن باس بوستاندىعىنان, ٶمٸر بويىنا بەلگٸلٸ بٸر قىزمەتتەرمەن اينالىسۋ قۇقىعىنان ايىرىلۋى مٷمكٸن.
ەسكە سالايىق, بىلتىر 6 قاراشادا سادىرباي ٶزٸ باسقاراتىن ادامدار توبى بالقاش, ەڭبەكشٸقازاق, كەگەن, رايىمبەك جەنە ۇيعىر اۋداندارىندا جالعان اۋىل شارۋاشىلىعى كووپەراتيۆتەرٸن قۇردى دەگەن كٷدٸككە ٸلٸنگەن.
نەگٸزگٸ ماقسات - ۇساق مالدىڭ انالىق باسىن ۇرىقتاندىرۋعا سۋبسيدييالاردى زاڭسىز الۋ جەنە جەمشٶپ شىعىندارىن ٶتەۋ.
"بۇل ٷشٸن زاڭناماعا قايشى اۋىلشارۋاشىلىق جەرلەرٸ جوق شارۋا قوجالىقتارى تارتىلدى. بۇدان ەرٸ جالعان كاداسترلىق نٶمٸرلەردٸ كٶرسەتە وتىرىپ, دەيەكسٸز مەلٸمەتتەردٸ قامتيتىن سۋبسيدييالار الۋعا ٶتٸنٸمدەر قاشىقتان بەرٸلدٸ. بۇل رەتتە اۋىل شارۋاشىلىعى كووپەراتيۆتەرٸ باسشىلارىن حاباردار ەتپەي, ولاردىڭ ەتسق-سى پايدالانىلدى.
وسىلايشا 1,2 ملرد تەڭگەدەن استام قاراجات ۇرلانعان", - دەپ حابارلادى بۇعان دەيٸن قما.
كەيٸن الماسبەك سادىرباەۆ ۇستالدى. ونىڭ سىبايلاسى تەرگەۋ سوتىنىڭ سانكتسيياسىمەن ٷي قاماققا الىندى.
ال ۇستالعانىنان ەكٸ اپتا بۇرىن الماسبەك سادىرباەۆ ارمان ابدوللاعا سۇحبات بەرگەن. سادىرباەۆ ٶز سۇحباتىندا ەلدەگٸ نان باعاسىنىڭ قىمبات ەكەنٸن ايتىپ, ونىڭ شىن باعاسى 50 تەڭگە بولۋى كەرەگٸن دە ايتتى.
سونداي-اق, قازاقستاندا قاشان اشارشىلىق بولاتىنىن دا بولجاعان.
