ەحرو-2017 مامانداندىرىلعان حالىقارالىق كورمە اياسىندا بۇگىن استانا قالاسىندا قازاقستان رەسپۋبليكاسى قارۋلى كۇشتەرىنىڭ اسكەري-تاريحي مۋزەيىندە ەلىمىزدەگى ىرگەلى «ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ ۇيىمداستىرۋىمەن «رۋحاني وردا تۇركىستان» كورمەسىنىڭ اشىلۋى بولىپ ءوتتى.
تۇركىستان شاھارىنان ەلوردا تورىنە 252 دانا جادىگەر كورمە ەكسپوزيسياسىنا قويىلدى. ءۇش بولىمگە توپتاستىرىلعان كورمە ەكسپوزيسياسىنا شاۋعار-شويتوبە، ياسى-كۇلتوبە، ەسكى تۇركىستان، حان ورداسى، ساۋران قالاسى، قاراتوبە-ساۋران، شپان جانە شەرىباي قورىمىنا جۇرگىزىلگەن ارحەولوگيالىق قازبادان تابىلعان كەراميكالىق، نۋميزماتيكالىق جادىگەرلەرمەن قوجا احمەت ءياساۋيدىڭ رۋحاني مۇرالارى «ديۋاني حيكمەت» كىتابىنىڭ قولجازباسى مەن قازان، تاشكەنت، ىستامبۇل باسپالارىنان شىققان نۇسقالارى، «ريساللا دار ادابي تاريقات»، «ميرات ۋل كۋلۋب»، «پاقىرناما» ەڭبەكتەرى مەن شاكىرتتەرى س.ءباقىرعانيدىڭ «ديۋان»، ءا.ءناۋايدىڭ «عازالدار»، سوفى اللاياردىڭ «ءدىني ولەڭدەرى»، يمام ءماعرۋديدىڭ «قيسسا» اتتى باعا جەتپەس مۇرالارى مەن ءياساۋيدىڭ شەجىرەسى جازىلعان «ناسابنامانىڭ» ءتۇپنۇسقاسى، ءامىر تەمىر داۋىرىنەن ساقتالعان ءتۇپنۇسقا شىراعداندار، تايقازان، لاۋھا، قاقپا ەسىگىمەن قاتار حVءىىى عاسىردا ءومىر سۇرگەن قازاقتىڭ حاس باتىرى ەر قابانبايدىڭ ءتۇپنۇسقا قانجارى، تۇركىستان بيلىك قۇرعان ەسىم، تاۋكە، جاڭگىر، ابىلمامبەت، ابىلفەيىز، ابىلاي، بوكەي سىندى اتاقتى حانداردىڭ كۇمىس جۇزىككە تۇسكەن مورلەرى، ورىس، جۇڭگو پاتشالارىنا ىنتىماقتاستىق جونىندە جازعان حاتتارى، تۇتىنعان زاتتارى مەن ەتنوگرافيالىق جادىگەرلەر كورەرمەندەر نازارىنا ۇسىنىلدى.
كورمەنىڭ اشىلۋىندا عالىم-ەتنوگراف ق.سۇلەيمەنوۆ كورمە جۇمىسىنا ساتتىلىك تىلەسە، اسكەري تاريحي مۋزەيىنىڭ ديرەكتورى پ.وتەپوۆا كورمەنىڭ ەلوردادا ءوتۋىنىڭ وزىندىك ماڭىزدىلىعىنا توقتالىپ، رۋحاني كەرۋەن كوشىن باستاپ بارعان قورىق-مۋزەي قىزمەتكەرلەرىنە العىسىن ءبىلدىردى. ءسوزالعان «ازىرەتسۇلتان» مەملەكەتتىك تاريحي-مادەني قورىق-مۋزەيىنىڭ عىلىمي قىزمەتكەرى ب.بايبولوۆ كورمەنىڭ ماقساتى مەن مىندەتىنە توقتالىپ، اسكەري تاريحى مۋزەيىنە رياسىزا لعىسىن ءبىلدىرىپ، قورىق-مۋزەي ديرەكتورىنىڭ العىس حاتى مەن قورىق-مۋزەيدىڭ باسپا ونىمدەرىن تابىس ەتتى.
«رۋحاني وردا تۇركىستان» كورمەسىۇ.ج. 10-شى قىركۇيەگىنەدەيىن كەلۋشىلەرگە قىزمەت كورسەتەدى.
