ولاي دەيتىنىم، اۋىلعا بارعاندا ءشيدىڭ ۇستىندەگى قۇرتتى كورمەيمىن. كەلىنى تۇيەتىن كەلىندى دە ەمگە تابا المايسىڭ. مال جايلايتىنداردىڭ سانى كەمىپ كەلەدى. مال باسى ءوستى عوي، مالعا قارايتىنداردى ايتامىز. قايماقپەن كۇرەڭ شايدى ىشەتىندەر ازايدى. شوقتىڭ ۇستىندەگى شاينەكتەن توكتىڭ ۇستىندەگى شاينەك كوبەيدى. شەشەلەرىمىز ۇلتتىق تاعامنىڭ ءتۇر-تۇرىن ۇسىنۋشى ەدى. ءقازىر ەتتىڭ ءسۇرى ەكى ءۇيدىڭ بىرىنەن تابىلا سالمايدى.
ولاي ويلاۋعا نەگىز كوپ. قازاق ءاننىڭ كەتەۋى كەتكەنىن تىڭدايتىن بولدى. تىڭداي ءجۇرىپ بيلەيتىن، بيلەي ءجۇرىپ تىڭدايتىن كۇيگە ءتۇستى. جاھاندانۋ؟ مۇمكىن. مادەنيەتتىڭ العا باسقانى؟ جوق، كەرىسىنشە كەرى كەتكەنى.
قازاق وسەككە جاقىن ءجۇر. جوقتان وزگەنى قازادى. بوقتان وزگەنى جازىپ بولدى. تالاسبەك كينوسىندا ءبىرجانعا بىلاي دەگىزەدى: «قازاق قارتايىپتى عوي». قانداي قاتال شەشىم! ەرىكسىز، ماجبۇرلىكتەن بارىپ وتىر. ءماجبۇر ەتكەن ءوزىمىز!
قازاق دالادان دانا ەمەس، بالا ىزدەدى.
قازاق قازاقتى تانۋدان قالىپ بارادى. قازاق قازاقتى مويىنداۋدان كەتىپ بارادى.
قىزىق بولدى. قىزىق ەمەس-اۋ، شىجىق بولدى. ۋنيۆەرسيتەتكە ساباق بەرۋدى ۇسىنعان. ءوزىمىز كورگەن ۇستازدارعا ۇقساۋعا تىرىسىپ، شاما كەلگەنشە دايىندالدىق. اۋديتورياعا يمەنە ەنىپ، شاكىرتتەرگە بىلگەنىمىزدى ايتا باستادىق. ۇرپەيىسىپ، قارايدى. ارادا بايلانىس جوق. ءسوزىمىز دالاعا كەتكەن سەكىلدى. سىڭبەيدى. سىڭدىرە المايمىز. ءبىزدىڭ ناشارلىق. ءبىراق ولاردىڭ دا قابىلداۋ قاسيەتتەرى كەمىگەن ەكەن.
شىجىق مىناۋ: قازاق ەلىندەگى ون مىقتى ءجۋرناليستى اتاڭدار دەدىك. كىم جوق دەيسىڭ. ارتۋر پلاتونوۆ، ايگۇلدەر ءجۇر. ازامات سۇرىپبايەۆتى دا كوردىك-اۋ دەيمىن. ويلاعان ەدىك، شەر-اعاڭ، سەيداڭدارعا دەيىن تۇسەر ما ەكەن، جوق بۇرىنعى بۋىندى جاعالاۋمەن شەكتەلە مە دەپ... ويمىزدىڭ ويرانى شىقتى. ولاردىڭ «قايماعى» وزگەلەر ەكەن. «تىم بولماسا قاينار ولجاي مەن نۇرتورە ءجۇسىپتى قوسۋ كەرەك ەدى-اۋ». «ا، اعاي اكەڭىز جازا سالايىق». تەزەكبايەۆ ەسكە ءتۇستى. ساباق بەرگەن. ءبىرتۇرلى كۇلەتىن ەدى. جاۋاپ ونشا شىقپاعان ساتتە. شىمشىپ، كۇلەدى. كۇلكىمەن شىمشيتىن.
«قازاق، رۋحاني كوسەمىڭ كىم؟»، - دەگەن ساۋال تاستاپ ەدىك.... لايك سانى التى، پىكىر ەكىگە جەتىپتى... رۋحاني جاڭعىرعان ەل ەمەس پە...
امان سەيتقانوۆ
فەيسبۋكتەگى پاراقشاسىنان
