5 قازاندا مەملەكەت باسشىسى ومان سۇلتانىن ەلوردا ەۋەجايىندا قارسى الدى, دەپ حابارلايدى dalanews.kz.
پرەزيدەنت قاسىم-جومارت توقاەۆ استانا ەۋەجايىندا ەلٸمٸزگە مەملەكەتتٸك ساپارمەن كەلگەن ومان سۇلتانى حايسام بەن تاريق ەل سايدتى كٷتٸپ الدى.
قازاقستان رەسپۋبليكاسى ەسكەري ەۋە كٷشتەرٸنٸڭ ۇشاقتارى مەملەكەت شەكاراسىنان ەلورداعا دەيٸن ومان سۇلتانى مٸنگەن بورتپەن قاپتالداسا ۇشتى. مەرتەبەلٸ مەيمان كەلۋٸنە وراي ۇشۋ الاڭىندا قۇرمەت قاراۋىلى روتاسى مەن پرەزيدەنت وركەسترٸ ساپ تٷزەدٸ.
ەۋەجاي زالىندا ەكٸ ەل باسشىلارى از-كەم ەڭگٸمەلەستٸ. مەملەكەت باسشىسى ەكٸجاقتى قارىم-قاتىناستى دامىتۋ تۇرعىسىنان ومان سۇلتانىنىڭ ساپارى تاريحي مەنگە يە ەكەنٸن اتاپ ٶتتٸ.
"ومان سۇلتاندىعى ەكونوميكاسىن ٸلگەرٸلەتۋدە زور تابىسقا جەتكەن, حالىقارالىق ارەنادا ٶتە بەلسەندٸ ەرٸ كونسترۋكتيۆتٸ دەنەكەر مەملەكەت رەتٸندە بەلگٸلٸ. ەلٸڭٸزدٸڭ ٶز ايماعىندا, ودان تىسقارى جەرلەردە, سونىڭ ٸشٸندە قازاقستاندا دا بەدەلٸ بيٸك. مەملەكەتتەرٸمٸز اراسىنداعى سەرٸكتەستٸكتٸڭ ەلەۋەتٸ زور ەكەنٸنە سەنٸمدٸمٸن. الدىمىزدا ىنتىماقتاستىق اياسىن مەيلٸنشە كەڭەيتۋ مٸندەتٸ تۇر", – دەدٸ پرەزيدەنت.
ومان سۇلتانى حايسام بەن تاريق ەل سايد قوناقجايلىق تانىتقانى ٷشٸن قاسىم-جومارت توقاەۆقا العىس ايتىپ, ەرتەڭگٸ كەلٸسسٶزدەردٸڭ مازمۇندى ەرٸ جەمٸستٸ ٶتەتٸنٸنە سەنٸم بٸلدٸردٸ. ساپار اياسىندا جوعارى دەڭگەيدە كەلٸسسٶزدەر جٷرگٸزۋ, بٸرقاتار ماڭىزدى قۇجاتقا قول قويۋ, سونداي-اق, مەملەكەتتەر باسشىلارىنىڭ قازاق-ومان بيزنەس فورۋمىنا قاتىسۋى جوسپارلانعان.
