رۋدنىي قالاسىندا كىسى ءولتىرۋ قىلمىسىنا قاتىسى بار دەگەن كۇدىكپەن 16 جانە 17 جاستاعى ەكى جاسوسپىرىمگە ىزدەۋ جاريالاندى. ولارعا قاتىستى جەدەل ىزدەستىرۋ اقپاراتى قازاقستاننىڭ بارلىق وڭىرىنە تاراتىلدى، دەپ حابارلايدى Dalanews.kz
كۇدىكتىلەر 19 جاستاعى تانىسىن ءولتىردى دەگەن كۇدىككە ىلىنگەن.
قوستاناي وبلىسى پوليسيا دەپارتامەنتىنىڭ مالىمەتىنشە، ق ر قىلمىستىق كودەكسىنىڭ 99-بابى — «ادام ءولتىرۋ» بويىنشا سوتقا دەيىنگى تەرگەپ-تەكسەرۋ باستالعان.
«كۇدىكتى تۇلعالار انىقتالدى. قازاقستان اۋماعىنداعى بارلىق پوليسيا بولىمشەلەرىنىڭ جەكە قۇرامى باعدارلاندى، ولاردى ۇستاۋ بويىنشا جەدەل ءىس-شارالار جۇرگىزىلىپ جاتىر. وقيعانىڭ ءمان-جايى انىقتالۋدا. تەرگەۋ مۇددەسىنە بايلانىستى وزگە اقپارات جاريالانبايدى»، — دەپ حابارلادى ۆەدومستۆودان.
