جازۋشى-دراماتۋرگ, قر ەڭبەك سٸڭٸرگەن قايتكەرٸ روزا مۇقانوۆا بۋرابايداعى ۇلتتىق قۇرىلتايدا كٶتەرٸلگەن مەسەلەلەرگە قاتىستى پٸكٸر بٸلدٸردٸ. ول ۇلتتىق قۇرىلتاي, بٸر جاعىنان ەسەپ بەرۋشٸ, تاعى بٸر جاعىنان بولاشاقتاعى ەل دامۋى جوسپارىن بەلگٸلەۋشٸ ەرٸ حالىقتىڭ داۋىسىن ەستيتٸن الاڭ ٸسپەتتٸ ەكەنٸن ايتادى, دەپ حابارلايدى Dalanews.kz.
"ۇلتتىق قۇرىلتايدا مەملەكەت باسشىسىنىڭ قارجىگەر-ەكونوميستەرگە قاراتا ايتقان سٶزدەرٸ دۇرىس بولدى دەپ ويلايمىن. "قانداي شارالاردىڭ قولعا الىپ جاتقاندىعىن, قانداي رەفورمالاردىڭ اتقارىلىپ جاتقاندىعىن حالىققا تٷسٸنٸكتٸ تٸلدە جەتكٸزۋلەرٸڭٸز كەرەك", - دەدٸ. مۇنى الدىنداعى بيزنەس ٶكٸلدەرٸمەن كەزدەسۋٸ كەزٸندە دە بانك قىزمەتكەرلەرٸنە, قارجىگەرلەرگە دە ەسكەرتكەن ەدٸ. مەملەكەتتٸڭ الدىندا قويىلىپ وتىرعان ٷلكەن ٸستەردٸڭ قالاي اتقارىلىپ جاتقاندىعى جٶنٸندە حالىق وسىنداي قۇرىلتاي سەكٸلدٸ اشىق الاڭداردان بٸلٸپ, قۇلاعدار بولىپ وتىرادى. راسىندا دا ەلدە جاسالىپ جاتقان رەفورمالار حالىققا تٷسٸنٸكتٸ تٸلدە جەتكٸزٸلۋٸ كەرەك. حالىق بەرٸنەن حاباردار بولىپ وتىرۋى تيٸس", - دەيدٸ روزا مۇقانوۆا.
سونىمەن قاتار جازۋشى بيىل ابايدىڭ 180 جىلدىعىنا بايلانىستى شەتەلدەردە اباي ورتالىعىنىڭ, اباي مەدەني ورتالىقتارىنىڭ اشىلۋى جٶنٸندە ۇلتتىق قۇرىلتايدا پرەزيدەنتتٸڭ ايتقانى كٶڭٸلگە ٶتە قونىمدى بولعانىن ايتادى.
"بۇل بٸزدٸڭ كٶپتەن كٷتٸپ جٷرگەن, ويدا ەلديلەگەن ارمانىمىز ەدٸ. ٶيتكەنٸ ول - ۇلت مەدەنيەتٸ, ۇلت رۋحانيياتى مەسەلەسٸ. رۋحاني ورتالىقتىڭ سالىنۋى باسقا مەملەكەتتەردە جٷرگەن وتانداستارىمىز, ەلدەن جىراقتا جٷرگەن جاستارىمىز ٷشٸن دە اسا كەرەك دٷنيە. بۇل ٷلكەن مەدەني بايلانىسىمىزدان, تاريحىمىزدان وقشاۋلانىپ قالماۋدىڭ بٸر جولى دەپ ويلايمىن. بۇعان مەملەكەت باسشىسى وتانداستار قورىنىڭ مەدەنيەت جەنە اقپارات مينيسترلٸگٸمەن بٸرلەسە وتىرىپ, وسى ورتالىقتاردى اشۋعا ات سالىسۋىن, سونداي-اق سىرتقى ٸستەر مينيسترلٸگٸنٸڭ ارالاسۋىنا مٷمكٸندٸك بەرەتٸنٸن ايتتى. بۇل قازاق رۋحانيياتى ٷشٸن ٶزەكتٸ ەرٸ بولجامدى دٷنيە دەپ ويلايمىن", - دەيدٸ جازۋشى.
سونداي-اق ول ۇلتتىق قۇرىلتايدا مەملەكەت باسشىسىنىڭ ۇلتتىق بٸرەگەيلٸكتٸ نىعايتۋ جايىنا باسىمدىق بەرٸپ, تەاتر ٶنەرٸنٸڭ كٶرسەتكٸشتەرٸ ارتىپ كەلە جاتقانىنا دا توقتالعانىن اتاپ ٶتتٸ.
"بۇل قۋانارلىق جاعداي. اتالعان سالادا, ەرينە اتقارىلاتىن ٸستەر كٶپ. دەگەنمەن سوڭعى بەس جىلدا الىس ايماقتارداعى, الىس ٶلكەلەردەگٸ حالىقتىق تەاترلارعا جان بٸتە باستادى. قازٸر الىس اۋدانداردا وبلىس تەتارلارىنا ارنايى ات ارىلتىپ كەلە المايتىن حالىق بار. سوندىقتان شالعاي ايماقتارداعى حالىقتىق تەاترلاردى جانداندىرۋ, شىنىمەن دە دۇرىس باعالاناتىن دٷنيە. بۇعان بٸزدٸڭ اكتەرلارىمىز, ٶنەر ادامدارىمىز مۇرىندىق بولىپ وتىر. ەرينە, تەاتر رەپەرتۋارىنىڭ جاڭارۋى, زامان تالابىنا ساي بولۋى كەرەك. ٶيتكەنٸ جاڭا تولقىن, جاڭا ۇرپاق, جاڭا كٶرەرمەن كەلٸپ جاتىر. سوندىقتان بيٸك دەڭگەيدەگٸ ٶنەردٸڭ تالعامىمەن ەلەمدٸك دەڭگەيگە قاراي تەاتردىڭ باعىت-باعدارىن ٶزگەرتۋ كەرەك ەكەنٸن دە تٷسٸنٸپ جاتىرمىز. جالپى, مەملەكەت باسشىسى مەدەنيەتكە كٶڭٸل بٶلٸپ وتىر. ۇلتتىق قۇرىلتايدا كينوتەاترلارداعى جاعدايعا دا باسا نازار اۋدارىلدى. كينولاردىڭ مەن-ماعىناسىنا, سيۋجەتٸنە اسا كٶڭٸل بٶلۋ كەرەگٸن باسا ايتتى. سەبەبٸ, بۇل رەتتە تەك قارجى تابۋعا قۇنىعىپ, ارزانقول, جەڭٸل-جەلپٸ دٷنيەلەر ناسيحاتىنا ەۋەستەنۋگە جول بەرمەۋ قاجەت. بٷگٸنگٸ جاس ۇرپاق قانداي فيلمدەر كٶرٸپ جاتىر? بٸز بۇزاقىلىق, زورلىق-زومبىلىق ناسيحاتىنان كٶرەرمەندەردٸ ساقتاندىرا بٸلۋٸمٸز كەرەك. مۇنداي فيلمدەردٸ, كەرەك دەسەڭٸز, مەملەكەت تاراپىنان سٷزگٸدەن ٶتكٸزٸپ, جاسٶسپٸرٸمدەردٸ, بالالاردى قورعاۋ قاجەت", - دەيدٸ ول.
جازۋشى سٶز سوڭىندا ۇلتتىق قۇرىلتايدا كٶپتٸڭ كٶكەيٸندەگٸ, ەلدٸ تولعاندىرىپ وتىرعان دٷنيەلەردٸڭ بارلىعى ايتىلىپ, اشىق الاڭدا ەدٸلەتتٸ تٷردە حالىققا تٷسٸنٸكتٸ تٸلدە ورتاعا سالىنعانىن, مۇنىڭ ٶزٸنە ۇناعانىن ايتادى.
"وسىندايدا كٶپتٸڭ داۋىسىن اشىق ەستۋگە بولادى. ەشقانداي بٷركەلەمەۋ دەگەن جوق. حالىق ٶزٸنٸڭ ەستٸگٸسٸ كەلەتٸن دٷنيەسٸن زييالى قاۋىم ارقىلى, دەپۋتاتتار ارقىلى ورتاعا سالۋدا. كٶپتەگەن مەسەلە وسى قۇرىلتايدا شەشٸمٸن تاۋىپ جاتقانىنىڭ كۋەسٸ بولدىق. مەنٸڭ ويىمشا, بۇل جاڭا فورماتتا اتقارىلىپ وتىرعان ٸس", - دەپ سٶزٸن قورىتادى دراماتۋرگ-جازۋشى روزا مۇقانوۆا.
