ق ر پرەمەر-مينيسترىنىڭ ءبىرىنشى ورىنباسارى رومان سكليار «شيەۆرون» كورپوراسياسى ەۋرازيا بولىمشەسىنىڭ باسقارۋشى ديرەكتورى دەرەك ماگنەسس مىرزامەن كەزدەسۋ وتكىزدى. وعان ق ر ەنەرگەتيكا ءمينيسترى ەرلان اقكەنجەنوۆ جانە «قازمۇنايگاز» ۇك» اق باسقارما ءتوراعاسى اسحات حاسەنوۆ قاتىستى، دەپ حابارلايدى Dalanews.kz.
كەزدەسۋ بارىسىندا تاراپتار مۇناي-گاز سالاسىنداعى ەكىجاقتى ىنتىماقتاستىقتىڭ قازىرگى جاعدايى مەن كەلەشەگىن تالقىلادى.
كەلىسسوزدەر كەزىندە قازاقستان-امەريكا ەنەرگەتيكالىق سەرىكتەستىگىنىڭ فلاگمانى سانالاتىن تەڭىز جوباسىنا ەرەكشە نازار اۋدارىلدى.
ءوز كەزەگىندە دەرەك ماگنەسس قازاقستانداعى ينۆەستيسيالىق احۋالدىڭ ارقاسىندا تەڭىز جوباسى بويىنشا ماڭىزدى وندىرىستىك كورسەتكىشتەرگە قول جەتكىزىلگەنىن اتاپ ءوتتى. «شيەۆرون» وكىلى رەتتەۋشى ورتانىڭ بولجامدىلىعىن جانە مەملەكەتتىك ورگاندارمەن كونسترۋكتيۆتى ءىس-قيمىلدى ەرەكشە اتاپ ءوتىپ، بۇل ۇزاقمەرزىمدى ينۆەستيسيالار ءۇشىن قولايلى جاعداي جاسايتىنىن جەتكىزدى.
سونىمەن قاتار رومان سكليار تەڭىز كەنىشىندە ورىن العان جانە ءوندىرىستىڭ ۋاقىتشا توقتاپ قالۋىنا اكەپ سوقتىرعان وقيعالارعا بايلانىستى الاڭداۋشىلىق ءبىلدىردى.
«شيەۆرون» باسشىلىعى وقيعالاردىڭ سالدارىن جويۋ جانە مۇناي ءوندىرۋدى كەزەڭ-كەزەڭىمەن ارتتىرۋ بويىنشا قابىلدانعان شارالار تۋرالى حاباردار ەتتى. سونداي-اق «شيەۆرون» باسشىلىعى بولاشاقتا مۇنداي جاعدايلارعا جول بەرمەۋ جانە نىسانداردىڭ سەنىمدى ءارى ءقاۋىپسىز جۇمىسىن قامتاماسىز ەتۋ بويىنشا ناقتى ءىس-قيمىلدار جاسالاتىنىنا سەنىم ءبىلدىردى.
بۇدان بولەك، گەولوگيالىق بارلاۋ جۇمىستارىن دامىتۋ ماسەلەلەرى تالقىلاندى. «شيەۆرون» كومپانياسى ءبىرقاتار گەولوگيالىق بارلاۋ جوباسىنا قىزىعۋشىلىق تانىتاتىنىن مالىمدەدى.
كەزدەسۋ سوڭىندا تاراپتار ۇزاقمەرزىمدى جانە ءوزارا ءتيىمدى ىنتىماقتاستىقتى ودان ارى دامىتۋعا بەيىلدىلىكتەرىن، سونداي-اق ءوزارا ءىس-قيمىلدىڭ بارلىق باعىتى بويىنشا سىندارلى ديالوگكە دايىن ەكەندىكتەرىن جەتكىزدى.
