رەسەيدەگى سۋ تاسقىنىنىڭ استىندا قالعان ورسك قالاسىندا جۇرتقا مەديسينالىق قىزمەت كورسەتۋ ءىسى ۋاقىتشا توقتادى. ەندى ورسك تۇرعىندارى باسى اۋىرىپ، بالتىرى سىزداسا 20 شاقىرىم جەردەگى نوۆوترويسك قالاسىنا نەمەسە 250 شاقىرىم قاشىقتىقتا ورنالاسقان ورىنبورعا بارۋىنا تۋرا كەلەدى، – دەپ حابارلايدى Dalanews.kz.
بىزگە جەتكەن اقپارات بويىنشا ورسك قالاسىندا جۇمىس ىستەپ تۇرعان ەكى ستاسيونار تەك شۇعىل مەدكومەكتى قاجەتسىنگەن ادامدارعا عانا كورسەتەدى.
ال قالعان ادامدار دارگەرگە كورىنۋى ءۇشىن قوس قالانى بەتكە الادى.
ءوز كەزەگىندە ورىنبور وبلىسىنىڭ دەنساۋلىق ساقتاۋ ءمينيسترى تاتيانا ساۆينوۆا ورسك قالاسىنىڭ مەديدسينا قىزمەتى ەكسترەمالدى جاعدايدا جۇمىس ىستەپ جاتقانىن راستادى.
بۇگىندە ورسك قالاسىنداعى بىرنەشە مەديسينا ناساندارى قىزىل سۋدىڭ قۇرساۋىندا قالعان. ايتالىق، ولاردىڭ اراسىندا ورسك قالالىق ەمحاناسى مەن وبلىستىق تۋبەركۋلەزگە قارسى ديسپانسەر بار. بۇگىندە ەمدەۋ مەكەمەسىندەگى پاسيەنتتەردىڭ ءبارى ەۆاكاسيالانسا، ەندى ءبىرازى دارىگەرلەردىڭ رۇقساتىمەن ۇيلەرىنە جىبەرىلگەن.
سونىمەن قاتار سۋ باسقان ايماقتاعى پوليكلينيكلار حالىققا مەديسينالىق كومەك كورسەتا الماي، قولدارى ءجىپسىز بايلانىپ وتىر.