ساراپشى ءبۇي دەيدى:
– ءبارىمىزدى تىرپ ەتكىزبەي، باقىلاپ-باسقارۋعا تىرىسۋ – مەملەكەتتىڭ قانىندا بار نارسە. سويتە تۇرا ادال نيەتتى بولىپ كورىنگىسى كەلەدى، ءبىراق قۇبىجىقتىعىن ءبارىبىر بايقاتىپ قويادى.
بۋللينگتىڭ بۇعان تۇك قاتىسى جوق.
شىندىق مىناۋ: مەملەكەتتىك تاپسىرىسقا عانا قاراپ وتىرعان ءداستۇرلى باق-تارعا ەشكىم سەنبەيدى، ال مەسسەندجەرلەر مەن جەلىلەردىڭ بىردەڭە قىلىپ ءۇنىن ءوشىرۋ كەرەك بيلىككە.
ەڭ سوراقىسى، بۇل شولاق باستامانى مەن دەموكرات دەپ ويلاپ جۇرگەن ايدوس سارىم كوتەرىپتى.
Egov بويىنشا رەسەيلىك سبەربانك مەموراندۋمى مەن الەۋمەتتىك جەلىلەردى شەكتەۋ تۋرالى زاڭ جوباسىن رەسەيلىكتەر تىقپالاپ وتىرعانى ايقىن ءبىلىنىپ قالدى. باقىلاۋ، جابۋ، شەكتەۋ دەگەن داراقى ىستەرگە كرەملدىڭ قولى قۇمار.
بەلارۋستەن كەيىن ەندى ءبىزدىڭ رەسەيدىڭ ق ۇلى بولاتىنىمىز مەنى قاتتى قىنجىلتادى. رەسەي نە ىستەسە سونى قايتالاپ، تولىق "استىنا جاتا سالدىق". تالاي جىل بويى تاۋەلسىز مەملەكەت قۇرىپ جاتىرمىز دەگەنىمىز وتىرىك بولعانى ما؟
رەسەيدىڭ ادال ق ۇلى ەكەنىمىزدى كورسەتۋ ءۇشىن ءبىز دە شەتەلدىك اگەنتتەردىڭ كوزىن قۇرتىپ، مەسسەندجەرلەردى شەكتەپ، ەركىنسۇيگىشتىكتەن باس تارتۋىمىز كەرەك پە؟
ءبىز رەسەي دۋماسىنىڭ كالكاسى بولدىق، ولاردا ميزۋلينا، ياروۆايا، ميلونوۆ بولسا، بىزدە ايدوس سارىم بار. بۇل رەپرەسسيالىق مەحانيزم سياقتى، ەرتەڭ جۇيەگە ءقاۋىپتى ساياسي بەلسەندىلەردى بوپسالاۋ ءۇشىن ويلاپ تابىلعان. سونداي ويعا قالادى ەكەنسىڭ، دەپتى ەلىكبايەۆ.
