Sarapshy búı deıdi:
– Bárimizdi tyrp etkizbeı, baqylap-basqarýǵa tyrysý – memlekettiń qanynda bar nárse. Sóıte tura adal nıetti bolyp kóringisi keledi, biraq qubyjyqtyǵyn báribir baıqatyp qoıady.
Býllıngtiń buǵan túk qatysy joq.
Shyndyq mynaý: memlekettik tapsyrysqa ǵana qarap otyrǵan dástúrli BAQ-tarǵa eshkim senbeıdi, al messendjerler men jelilerdiń birdeńe qylyp únin óshirý kerek bılikke.
Eń soraqysy, bul sholaq bastamany men demokrat dep oılap júrgen Aıdos Sarym kóteripti.
Egov boıynsha reseılik Sberbank memorandýmy men áleýmettik jelilerdi shekteý týraly zań jobasyn reseılikter tyqpalap otyrǵany aıqyn bilinip qaldy. Baqylaý, jabý, shekteý degen daraqy isterge Kremldiń qoly qumar.
Belarýsten keıin endi bizdiń Reseıdiń quly bolatynymyz meni qatty qynjyltady. Reseı ne istese sony qaıtalap, tolyq "astyna jata saldyq". Talaı jyl boıy Táýelsiz memleket quryp jatyrmyz degenimiz ótirik bolǵany ma?
Reseıdiń adal quly ekenimizdi kórsetý úshin biz de sheteldik agentterdiń kózin qurtyp, messendjerlerdi shektep, erkinsúıgishtikten bas tartýymyz kerek pe?
Biz Reseı Dýmasynyń kálkasy boldyq, olarda Mızýlına, Iarovaıa, Mılonov bolsa, bizde Aıdos Sarym bar. Bul repressıalyq mehanızm sıaqty, erteń júıege qaýipti saıası belsendilerdi bopsalaý úshin oılap tabylǵan. Sondaı oıǵa qalady ekensiń, depti Elikbaev.
