ۆلاديمير پۋتين رەسەي پرەزيدەنتى سايلاۋىندا 87،68 پايىز داۋىس جيناپ جاتىر. بۇل حاتتامالاردىڭ 30 پايىزىن وڭدەگەننەن كەيىن جاريالانعان ورتالىق سايلاۋ كوميسسياسىنىڭ العاشقى دەرەكتەرىنەن بەلگىلى بولدى، - دەپ حابارلايدى Dalanews.kz ريا نوۆوستي باسىلىمىنا سىلتەمە جاساپ.
نيكولاي حاريتونوۆتا 3،95 پايىز، ۆلاديسلاۆ داۆانكوۆدا 3،81 پايىز، لەونيد سلۋسكييدە 3،01 پايىز داۋىس بار. ماسكەۋ ۋاقىتىمەن 20.37-دە 74،22 پايىز ادام داۋىس بەرگەن.
اگەنتتىك مالىمەتىنشە، ءپۋتيننىڭ ناتيجەسى قازىرگى رەسەي تاريحىنداعى رەكورد دەڭگەيدەگى كورسەتكىش سانالادى. 2018 جىلى ول 76،69 پايىز، ال 2012 جىلى 63،6 پايىز جينادى. دميتريي مەدۆەديەۆ 2008 جىلى 70،28 پايىزبەن جەڭىسكە جەتتى. 2004 جانە 2000 جىلدارى پۋتين 71،31 پايىز جانە 52،9 پايىزبەن جەڭىسكە جەتتى. 1996 جىلى بوريس ەلسين ەكىنشى تۋردا 53،82 پايىزبەن جەڭىسكە جەتتى.
رەسەي پرەزيدەنتىنىڭ سايلاۋى 15-17 ناۋرىز ارالىعىندا وتەدى. سايلاۋعا ءتورت ۇمىتكەر قاتىسادى: قازىرگى رەسەيدىڭ مەملەكەت باسشىسى ۆلاديمير پۋتين، لدپر-دان لەونيد سلۋسكيي، كپرف-دان نيكولاي حاريتونوۆ جانە "نوۆىە ليۋدي" پارتياسىنان ۆلاديسلاۆ داۆانكوۆ.
