جۋىردا سەناتتا ٶتكەن بريفينگتە شەرزات بولاتتىڭ ٸسٸنە قاتىستى جاڭا دەرەكتەر جارييا بولدى. باس پروكۋروردىڭ ورىنباسارى عالىمجان قويگەلديەۆ شەرزات بولاتتىڭ ٷيٸ ٶرتەنۋٸنە قاتىستى ٸستٸ تەرگەۋ بارىسىن بٶلٸستٸ. وسىلايشا كەيبٸر ساۋالدار رەسەيگە جٸبەرٸلگەنٸ بەلگٸلٸ بولدى.
بۇل قانداي ساراپتاما? نەلٸكتەن رەسەيگە جٸبەرٸلدٸ? وسى سۇراقتارعا مەجٸلٸس دەپۋتاتى ەرٸ زاڭگەر ابزال قۇسپان جاۋاپ بەردٸ, دەپ حابارلايدى Dalanews.kz.
شەرزاتتىڭ وتباسىنىڭ ادۆوكاتى مەيٸرمان شەكەەۆ دەپۋتات ابزال قۇسپانعا وسى باعىتتا بٸرەر ساۋال قويعان. بۇل تۋرالى ادۆوكات ەلەۋمەتتٸك جەلٸدە جارييالادى.
"بۇل اقپاراتتى راستايمىن. رەسەيدە قازاقستاندا جوق ساراپتاما تاعايىندالىپ وتىر. سپۋتنيك ارقىلى ٷي ٶرتەنگەن كەزدە قانداي كٶلٸك كەلدٸ, بۇعان دەيٸن, ودان كەيٸن بٶتەن ادامدار بولدى ما, بولمادى ما (وسى نەرسەلەر انىقتالادى - ەسك.)", - دەدٸ ابزال قۇسپان.
ادۆوكات دەپۋتاتتان شەرزاتتىڭ اعاسى نۇرعاناتتىڭ ٶلٸمٸنە قاتىستى دا رەسەيدە وسىنداي ساراپتاما جٷرگٸزۋ مٷمكٸندٸگٸ بار-جوعىن سۇرادى. دەپۋتات قۇزىرلى ورگاندار ەدٸلدٸك ورناتۋدا بۇدان تارتىنباۋ كەرەك دەيدٸ.
"مەنٸڭ ويىمشا, قورعاۋ تاراپىنان تيٸستٸ ٶتٸنٸش حات بەرٸلگەن جاعدايدا ەبدەن مٷمكٸن. كەز كەلگەن قىلمىستىق ٸستٸ تەرگەۋدەگٸ باستى مەسەلە - شىندىققا كٶز جەتكٸزۋ, ەدٸلەتتٸلٸكتٸ قالپىنا كەلتٸرۋ. بۇل جولى دا قانداي ساراپتاما بولسا دا, قانشا اقشا تۇرسا دا تيٸستٸ ورگاندار بۇدان تارتىنىپ قالماۋى كەرەك دەپ ويلايمىن", - دەدٸ دەپۋتات.
ايتا كەتەيٸك, بۇعان دەيٸن باس پروكۋراتۋرا ٶكٸلٸ بۇل تەكسەرٸسكە ۋاقىت كەرەك ەكەنٸن مەلٸمدەگەن ەدٸ.
شەرزات بولاتتىڭ ٶلٸمٸ تۋرالى نە بەلگٸلٸ?
ەسكە سالايىق, بىلتىر تالعاردا جاپپاي تٶبەلەس بولىپ, سالدارىنان 16 جاستاعى جاسٶسپٸرٸم شەرزات بولات كٶز جۇمدى.
كەمەلەتكە تولماعان بالانى ٶلتٸرۋ دەرەگٸ بويىنشا الماتى وبلىسىنىڭ پوليتسييا دەپارتامەنتٸ قىلمىستىق ٸس قوزعادى. سونداي-اق, ولاردىڭ ٷيٸ ٶرتەنٸپ كەتتٸ.
كٶپ ۇزاماي, ياعني 9 جەلتوقساندا مارقۇم شەرزات بولاتتىڭ اعاسى نۇرعانات عايىپباەۆ اجال قۇشتى. پوليتسييا دەپارتامەنتٸ الدىن الا دەرەكتەر بويىنشا ول سۋيتسيد جاساعانىن مەلٸمدەدٸ. وعان دەلەل رەتٸندە پوليتسەيلەر نۇرعاناتتىڭ تۋىسىنا مەسسەندجەر ارقىلى جازعان حاتىن جارييا ەتتٸ.
ال مارقۇم شەرزاتتىڭ ەكەسٸ باۋىرى نۇرعانات عايىپباەۆتى جەر قوينىنا تاپسىرعانان كەيٸن بۇقارالىق اقپارات قۇرالدارىمەن كەزدەسۋدٸ تالاپ ەتٸپ, كٶشەگە شىقتى. الايدا اراعا ۇزاق ۋاقىت سالماي قارجاۋباي نۇرىموۆتى پوليتسييا قىزمەتكەرلەرٸ ۇستاپ ەكەتتٸ. ارتىنشا شەرزات بولاتتىڭ ەپكەسٸ قاماۋعا الىندى. كەيٸن قارجاۋباي نۇرىموۆ 15 تەۋلٸككە ەكٸمشٸلٸك قاماۋعا الىندى.
