سانكت-پەتەربۋرگ سوتى قازاقستاندا دٷنيەگە كەلگەن ياروسلاۆا چۋماكوۆانى قاماۋعا الدى. وعان “تەراكت جاساۋعا جەردەمدەستٸ” دەگەن اۋىر ايىپ تاعىلدى, دەپ حابارلايدى Dalanews.kz.
تەرگەۋ نۇسقاسىنا سٷيەنسەك, چۋماكوۆا ۋكراينا ارنايى قىزمەتٸمەن بايلانىس ورناتىپ, رەسەي قورعانىس مينيسترلٸگٸ قىزمەتكەرلەرٸ مەن ولاردىڭ وتباسى مٷشەلەرٸنە قاتىستى مەلٸمەتتەردٸ جيناپ بەرگەن. اتاپ ايتقاندا, ولاردىڭ تۇرعىلىقتى مەكەنجايى مەن مٸنەتٸن كٶلٸكتەرٸ تۋرالى اقپارات تاپسىرعانى ايتىلۋدا.
چۋماكوۆا 19 ماۋسىمدا ۇستالعان. العاشقىدا وعان رەسمي ايىپ تاعىلماعان. ەندٸ ول 17 تامىزعا دەيٸن تەرگەۋ يزولياتورىندا قاماۋدا بولادى.
ايتا كەتەيٸك, بۇل قازاقستان ازاماتتارىنا قاتىستى قوزعالعان جالعىز ٸس ەمەس. بۇعان دەيٸن رەسەيدە تەراكت ۇيىمداستىرماق بولعان ەكٸ قازاقستاندىقتىڭ مەرت بولعانى تۋرالى جازعان ەدٸك.
باق-تا رەسەي فەدەراتسيياسىندا قازاقستاننىڭ ەكٸ ازاماتىنىڭ تەررورلىق اكتٸ جاساۋدى ۇيىمداستىرۋعا ەرەكەتٸ كەزٸندە رەسەيدٸڭ كٷشتٸك قۇرىلىمدارىمەن كٶزٸ جويىلعانى تۋرالى اقپارات تاراعان بولاتىن.
ۇقك بۇل ادامداردىڭ قازاقستاندىق ازاماتتىعى بارىن جەنە رەسەيگە شىققاندىعىن راستادى.
كٶرسەتٸلگەن فاكتٸ بويىنشا ۇقك سوتقا دەيٸنگٸ تەرگەپ-تەكسەرۋ جٷرگٸزٸپ جاتىر.
تەكسەرٸس ىنتىماقتاستىق ارناسى اياسىندا رەسەي فقق-مەن تىعىز بايلانىستا جٷزەگە اسىرىلىپ جاتىر.
ٶزگە اقپارات قىلمىستىق-پروتسەستٸك كودەكستٸڭ 201-بابى 1-بٶلٸگٸنە سەيكەس جارييا ەتۋگە جاتپايدى.
سونىمەن قاتار تەمٸرتاۋدىڭ تۋماسى, “سۇلۋلار ارميياسى” ەرٸكتٸلەر قوزعالىسىنىڭ نەگٸزٸن قالاۋشى نادەجدا روسسينسكايا (نادين گەيسلەر) ۋكراينا قارۋلى كٷشتەرٸن قولدادى دەگەن ايىپپەن 22 جىلعا باس بوستاندىعىنان ايىرىلعان ەدٸ.
ساراپشىلار كەيٸنگٸ ۋاقىتتا رەسەيدە شەتەل ازاماتتارىن تٷرلٸ تەسٸلمەن — تٸپتٸ جاساندى ينتەللەكتپەن جاسالعان ديپفەيك ۆيدەولار ارقىلى سوعىسقا تارتۋعا تىرىسۋ ەرەكەتتەرٸنٸڭ جيٸلەگەنٸن ايتادى.
