ءماجىلىستىڭ بۇرىنعى ءتوراعاسى نۇرلان ءنىعماتۋليننىڭ ۇلدارىمەن بايلانىستى كومپانيانىڭ شوتتارى بۇعاتتالدى، - دەپ حابارلايدى Dalanews.kz.

"ندفز" ءجشس-نىڭ اعىمداعى شوتىندا (...) جانە باسقا اعىمداعى شوتتاردا ورنالاسقان جانە الىنعان 158 851 237،80 رۋبل قاراجات بۇعاتتالسىن"، - دەلىنگەن كەمەروۆو وبلىسىنداعى اربيتراج سوتىنىڭ حابارلاماسىندا.

باتىس ءسىبىر ەلەكترومەتاللۋرگيالىق كومبيناتى نوۆودجامبۋل فوسفور زاۋىتىن سوتقا بەرگەن. زاۋىت قانداي سەبەپتەرمەن سوتقا شاعىمدانۋعا شەشىم قابىلداعانى بەلگىسىز، ءبىراق اڭگىمە قارىزدى ءوندىرۋ تۋرالى بولۋى مۇمكىن.

ايتا كەتەيىك، بۇعان دەيىن نۇرلان ءنىعماتۋليننىڭ تۋعان باۋىرى ەرلان ءنىعماتۋليننىڭ باسى داۋعا قالعان بولاتىن. قاراعاندىلىق كاسىپكەر الەكسەي لۋكيانچەنكو ەرلان نىعماتۋلين ءالى كۇنگە دەيىن رەيدەرلىك شابۋىل جاساپ جۇرگەنىن ايتتى. الەكسەي لۋكيانچەنكو رەيدەرلىك شابۋىل ءىسى بويىنشا قىلمىستىق ءىس قوزعالۋى كەرەگىن ايتادى. سونىمەن قاتار، كاسىپكەردىڭ سوزىنشە، قاراعاندى وبلىسىندا نىعماتۋليندەردىڭ ىقپالى ءالى دە زور. ول نىعماتۋليندەر ايماقتاعى تۋريستىك سالانى ءوز قولىنا العىسى كەلەتىنىن ايتادى.

ارتىنشا ساياساتتانۋشى دانيار اشىمبايەۆ ولارعا قاتىستى قاۋەسەتتىڭ ءتۇبى وتىرىك دەدى.

ساياساتتانۋشى نىعماتۋليندەرگە اقپاراتتىق شابۋىل ءجيى جاسالاتىنىن ايتادى.

"ديسكرەديتاسيا بويىنشا كامپانيا ءالى دە ءجۇرىپ جاتىر. اي سايىن "رەيدەرلىك" نەمەسە "ۇپايلاردى رەتتەۋگە" قاتىستى جازبالار شىعىپ تۇرادى. ءتىپتى بىرەۋ ەرلان نىعماتۋلين قاماۋعا الىندى دەپ، ارتىنان ول وتىرىك اقپارات بولىپ شىقتى.

نىعماتۋليندەرگە قاتىستى "قارا ماينەرلەرگە" قاتىستى اقپارات تا تارادى، ارتىنشا ول اقپارات تا راستالمادى.