«ءوز باسىم مەن بۇل ماسەلەمەن اينالىسپايمىن. سىزدەر سەكىلدى مەن دە ول جايلى بۇقارالىق اقپارات قۇرالدارىنان عانا ءبىلىپ وتىرمىن. بىلۋىمشە، ءىىم ءقازىر ول ىسپەن اينالىسىپ جاتىر. ەڭ قيىنى، بۇل جەردە كولىكتەردى تىركەۋدە عانا ەمەس، ول كولىكتەردىڭ ءبىر بولىگىنىڭ ىزدەۋدە جۇرگەندىگىندە، ءتىپتى ءبىرازى ەسەپتەن شىعارىلىپ، بىزگە تىركەلمەگەن»، - دەدى اسەت شىندالييەۆ ءماجىلىستىڭ كۋلۋارىندا.
باس پروكۋراتۋرانىڭ وكىلى بۇل كولىكتەر – قازاقستاننىڭ كولىكتەرى ەمەس ەكەنىن ەسكەرتتى.
«اراسىندا قىلمىسقا قاتىستىسى، تىركەلمەگەنى، ۇرلانعانى دەيسىز بە – ءبارى بار. ولارعا ءنومىر تاعا سالعان دا جۇرە بەرگەن. بۇل كولىكتەردى تەۋىپ جۇرگەندەر تاراپىنان – بۇل زاڭسىز. ءبارىمىز دە ازاماتتارمىز. زاڭعا باعىنۋىمىز كەرەك. ەگەر زاڭ بويىنشا كولىكتى تىركەۋ بىزگە مىندەتتى بولسا، تىركەۋىمىز كەرەك. ءسىزدىڭ دە، ءبىزدىڭ دە اماندىعىمىز ءۇشىن ءتارتىپ سولاي بولۋى ءتيىس»، - دەدى ول.
دەرەككوز: qaz.ulysmedia.kz
https://dalanews.kz/del-qazir/69750-taksiletip-kun-korip-zhurmiz-resey-no؟fbclid=IwAR2r1Th7k205Bee0071bG6xPebwTVpjK1dtmJ4NrH6PTe-1IJMtT41Aq4sg
