فارانتسييانىڭ بۇل باعىتتاعى جۇمىستارىن Bloomberg اگەنتتٸگٸنە فرانتسييانىڭ قارجى مينيسترٸ برۋنو لە مەر ايتتى. ٶز كەزەگٸندە قارجى سالاسىنا جاۋاپتى شەنەۋنٸك الداعى ۋاقىتتا تازا ەنەرگەتيكانى دامىتۋعا دا قوماقتى ينۆەستيتسييا سالىنىپ, جەل مەن تەڭٸز تولقىنىنان قۋات كٶزٸن ٶندٸرەتٸن نىسانداردىڭ قۇرىلىسى باستالاتىنىن العا تارتقان.
– قازٸرگٸ تاڭدا فرانتسيياعا رەسەيدەن كەلەتٸن گاز بەن ديزەل وتىنىنىڭ بالاما كٶزدەرٸن قاراستىرىپ جاتىرمىز. بۇل رەتتە بٸرٸككەن اراب ەمٸرلٸكتەرٸمەن جۇمىس ٸستەمەك ويىمىز بار. بۇل باعىتتاعى كەلٸسسٶزدەر جٷرۋدە, – دەدٸ لە مەر.
ٶتكەن اپتادا ەۋرووداق رەسەيگە سالىنعان سانكتسييالاردىڭ التىنشى پاكەتٸن ماقۇلداعان بولاتىن. جاڭا سانكتسييادا رەسەيدەن ەۋرووداققا ەكسپورتتالاتىن مۇناي شەكتەۋ قاراستىرىلعان-دى.
ٶز كەزەگٸندە فارانتسييا پرەزيدەنتٸ ەممانۋەل ماكرون ەۋرووداق جىل اياعىنا دەيٸن رەسەيدەن تاسىمالداناتىن مۇنايدى 92%-عا قىسقارتۋدى كٶزدەپ وتىرعانىن ايتتى. ول الداعى ۋاقىتتا رەسەيدٸڭ گازىنا دا ەمبارگو جارييالانۋى مٷمكٸن ەكەنٸن تٸلگە تيەك ەتتٸ.
ەۋرووداق ەلدەرٸنٸڭ رەسەي مۇنايىنا سالعان شەكتەۋٸنەن كەيٸن كرەمل مۇنايدان تٷسەتٸن 22 ملرد دوللار تابىسىنان ايىرىلۋى مٷمكٸن.
