Farantsiianyń bul baǵyttaǵy jumystaryn Bloomberg agenttigine Frantsiianyń Qarjy ministri Brýno Le Mer aitty. Óz kezeginde qarjy salasyna jaýapty sheneýnik aldaǵy ýaqytta taza energetikany damytýǵa da qomaqty investitsiia salynyp, jel men teńiz tolqynynan qýat kózin óndiretin nysandardyń qurylysy bastalatynyn alǵa tartqan.
– Qazirgi tańda Frantsiiaǵa Reseiden keletin gaz ben dizel otynynyń balama kózderin qarastyryp jatyrmyz. Bul rette Birikken arab ámirlikterimen jumys istemek oiymyz bar. Bul baǵyttaǵy kelissózder júrýde, – dedi Le Mer.
Ótken aptada EýroOdaq Reseige salynǵan sanktsiialardyń altynshy paketin maquldaǵan bolatyn. Jańa sanktsiiada Reseiden EýroOdaqqa eksporttalatyn munai shekteý qarastyrylǵan-dy.
Óz kezeginde Farantsiia prezidenti Emmanýel Makron EýroOdaq jyl aiaǵyna deiin Reseiden tasymaldanatyn munaidy 92%-ǵa qysqartýdy kózdep otyrǵanyn aitty. Ol aldaǵy ýaqytta Reseidiń gazyna da embargo jariialanýy múmkin ekenin tilge tiek etti.
EýroOdaq elderiniń Resei munaiyna salǵan shekteýinen keiin Kreml munaidan túsetin 22 mlrd dollar tabysynan aiyrylýy múmkin.
