«قازترانسويل» اق رەسەي ەنەرگەتيكا مينيسترلىگىنەن 2023ء-شى جىلدىڭ I توقسانىندا «ترانسنەفت» جاق ماگيسترالدى مۇناي قۇبىرى جۇيەسى ارقىلى «اداموۆا زاستاۆا» مۇناي بەكەتىمەن ءارى قاراي گەرمانياعا 300 مىڭ توننا كولەمدە قازاقستاندىق مۇناي جەتكىزۋ بويىنشا راستاۋ قاعازىن قابىلدادى، – دەپ حابارلايدى Dalanews.kz.

بۇل جونىندە رەسەي ەنەرگەتيكا مينيسترلىگى بەكىتكەن تمد مەملەكەت-مۇشەلەرىنىڭ مۇنايىن رەسەي فەدەراسياسى اۋماعى ارقىلى مۇناي قۇبىرلارى جۇيەسىمەن وتەتىن ترانزيت كەستەسى جازباسىندا ايتىلعان.

مۇنايدىڭ اتالمىش ءترانزيتى قازاقستان مەن رەسەي ۇكىمەتتەرى اراسىنداعى 2002ء-شى جىلدىڭ 7ء-شى ماۋسىمدا جاسالعان ارنايى كەلىسىمشارت نەگىزىندە جۇزەگە اسپاق.