رەسەي اقش پرەزيدەنتى دونالد ترامپتىڭ ءوتىنىشى بويىنشا 1 اقپانعا دەيىن ۋكراينا اۋماعىنا سوققى بەرۋدەن باس تارتۋعا كەلىسكەن. بۇل تۋرالى كرەمل وكىلى دميتريي پەسكوۆ مالىمدەدى، دەپ حابارلايدى Dalanews.kz.
"پرەزيدەنت ترامپ پرەزيدەنت پۋتينگە جەكە ءوتىنىش جاساپ، كەلىسسوزدەر وتكىزۋگە قولايلى جاعداي قالىپتاستىرۋ كەزەڭىندە، ياعني ءبىر اپتا بويى 1 اقپانعا دەيىن كييەۆكە سوققى جاساماۋدى سۇرادى"، - دەدى ول.
پەسكوۆ سونداي-اق ۆلاديمير ءپۋتيننىڭ كييەۆ بيلىگىنىڭ باسشىسىن ەشقايدا شاقىرماعانىن جانە كەزدەسۋ ۇسىنباعانىن اتاپ ءوتتى.
"كەزدەسۋدى زەلەنسكييدىڭ ءوزى سۇرادى، باستامانى دا سول كوتەردى. ال وعان جاۋاپ رەتىندە پرەزيدەنت پۋتين: ءيا، ءبىز دايىنبىز، ءبىراق تەك ماسكەۋدە عانا، - دەپ جاۋاپ بەردى"، - دەپ ناقتىلادى كرەمل وكىلى.
كييەۆتىڭ دونباسس پەن زاپوروجە اتوم ەلەكتر ستانسياسى بويىنشا ىمىراعا كەلۋگە دايىن ەمەس ەكەنى تۋرالى مالىمدەمەسىنە پىكىر بىلدىرگەن پەسكوۆ مايدانداعى جاعدايدىڭ ءوزى ءبارىن انىق كورسەتىپ وتىرعانىن ايتتى.
