قازاقستاندىق جۋرناليست سىمبات ەركٸنبەك رەسەيگە جۇمىس ٸستەۋگە بارعان ٸنٸسٸنٸڭ ۋكرايناداعى سوعىس ايماعىنا جٸبەرٸلگەلٸ جاتقانىن مەلٸمدەدٸ. ول ەلەۋمەتتٸك جەلٸ ارقىلى قۇزىرلى ورگانداردان كٶمەك سۇرادى, دەپ حابارلايدى dalanews.kz.
جۋرناليستٸڭ ايتۋىنشا, 2006 جىلى تۋعان ٸنٸسٸ اينابەك جۋىردا عانا ۇلتتىق ۇلان قاتارىنداعى ەسكەري قىزمەتٸن اياقتاپ كەلگەن. كەيٸن وعان رەسەيدە كٷزەتشٸ بولىپ جۇمىس ٸستەۋ ۇسىنىلعان. الايدا شەتەلگە بارعان سوڭ, تٷرلٸ قىسىم ارقىلى قۇجاتتارعا قول قويعىزىپ, سوعىسقا اتتاندىرۋعا ەرەكەت جاسالعان.
“ٸنٸم بٷگٸن حابارلاسىپ, قازٸر ۋكراينانىڭ لۋگانسك ماڭىندا ەكەنٸن ايتتى. “ەكٸ-ٷش كٷننٸڭ ٸشٸندە الىپ كەتپەسەڭٸزدەر, سوعىسقا جٶنەلتۋ باستالىپ كەتتٸ” دەپ كٶمەك سۇراپ وتىر”, – دەپ جازدى سىمبات ەركٸنبەك.
ونىڭ سٶزٸنشە, مۇنداي جاعدايعا اينابەك قانا ەمەس, قازاقستاننان بارعان باسقا دا جاس جٸگٸتتەر تاپ بولعان. ٸنٸسٸ بۇعان دەيٸن بٸرگە ەسكەري قىزمەت اتقارعان بەس-التى جٸگٸتتٸ دە سول جەردەن كەزدەستٸرگەنٸن ايتقان. قازٸر ونىڭ جانىندا كٶمەك كٷتٸپ وتىرعان ون شاقتى قازاقستاندىق بار كٶرٸنەدٸ.
جۋرناليست بۇل مەسەلە بويىنشا مەملەكەتتٸك ورگاندارعا حابارلاسىپ, رەسمي ٶتٸنٸشتەر جولداعانىن جەتكٸزدٸ. ول ٸستٸڭ مەملەكەتارالىق دەڭگەيدە قارالۋى قاجەت دەپ ەسەپتەيدٸ.
“مەملەكەت ارالاسپاسا, بۇل مەسەلەنٸ شەشۋ قيىن سيياقتى. اقپاراتتىڭ قۇزىرلى ورگاندارعا جەتۋٸنە جۋرناليستەردٸڭ, قوعام بەلسەندٸلەرٸ مەن بارشا قازاقستاندىقتىڭ كٶمەگٸ كەرەك”, – دەدٸ ول.
ەزٸرگە قازاقستاننىڭ قۇزىرلى ورگاندارى اتالعان جاعدايعا قاتىستى رەسمي مەلٸمدەمە جاساعان جوق. جارييالانعان اقپاراتتاعى دەرەكتەر تەۋەلسٸز تٷردە راستالماعان.
