1961 جىلدىڭ 12 سەۋٸرٸ ادامزات تاريحىنداعى ەڭ ماڭىزدى كٷندەردٸڭ بٸرٸ بولىپ قالدى. دەل وسى كٷنٸ يۋريي گاگارين العاش رەت عارىشقا ۇشىپ, بٷكٸل ەلەمگە تانىلدى. بۇل وقيعا عارىش دەۋٸرٸنٸڭ باستالۋىنا جول اشتى, دەپ حابارلايدى dalanews.kz.
مەلٸمەتتەرگە سەيكەس, ۇشۋ باستاپقىدا جوسپارعا ساي ٶتكەن. الايدا 67-مينۋتتا تەجەۋ جٷيەسٸ ٸسكە قوسىلعان كەزدە تەحنيكالىق اقاۋ بايقالعان. جٷيە قاجەتتٸ دەڭگەيدە قۋات بەرمەي, ەسەپتەلگەن كٶرسەتكٸشتەن تٶمەن بولعان.
سونىڭ سالدارىنان عارىش كەمەسٸ جەتكٸلٸكتٸ تٷردە باياۋلاماي, باعىتى ٶزگەرگەن. اتموسفەرانىڭ تىعىز قاباتىنا ەنگەن كەزدە "ۆوستوك" كەمەسٸ باقىلاۋسىز اينالا باستاعان.
سول سەتتە گاگارين قاتتى جٷكتەمەنٸ سەزٸنٸپ, كەمەنٸڭ سىرتقى بٶلٸگٸنٸڭ جانىپ جاتقانىن كٶرگەن. ول ەفير ارقىلى:
"مەن جانىپ بارامىن, قوش بولىڭدار, جولداستار", – دەگەن حابار جٸبەرگەن.
كەيٸن بۇل قۇبىلىس اتموسفەراعا ەنۋ كەزٸندە بولاتىن قالىپتى پروتسەسس ەكەنٸ انىقتالعان.
مەلٸمەتتەردە گاگاريننٸڭ جەرگە كاتاپۋلت ارقىلى سەتتٸ قونعانى ايتىلادى. دەگەنمەن ۇشۋ بارىسىندا 11 تٷرلٸ تٶتەنشە جاعداي تٸركەلگەن.
عارىشكەردٸڭ امان-ەسەن ورالۋى مٷمكٸن بولماي قالسا نەمەسە ول باسقا ەل اۋماعىنا تٷسٸپ قالسا دەگەن قاۋٸپ تە قاراستىرىلعان. سول سەبەپتٸ ارنايى جوسپارلار دايىندالىپ, حالىقارالىق دەڭگەيدە ەرەكەت ەتۋ تەتٸكتەرٸ ويلاستىرىلعان.
سول كەزەڭدە كەڭەستٸك تاراپ الدىن الا ٷش قۇپييا كونۆەرت ەزٸرلەگەن:
- بٸرٸنشٸ كونۆەرت – گاگاريننٸڭ ساپارى سەتتٸ اياقتالعان جاعدايدا جارييالاناتىن قۇتتىقتاۋ مەتٸنٸ
- ەكٸنشٸ كونۆەرت – ەگەر عارىشكەر قازا تاپسا, قايعىلى حابار مەن ازا تۇتۋ تۋرالى مەلٸمدەمە
- ٷشٸنشٸ كونۆەرت – ەگەر ول باسقا مەملەكەت اۋماعىنا قونسا, حالىقارالىق كٶمەك سۇراۋ تۋرالى ٷندەۋ
باقىتىنا قاراي, تەك بٸرٸنشٸ كونۆەرتتٸ اشۋعا تۋرا كەلدٸ. گاگارين امان-ەسەن جەرگە ورالىپ, ادامزات تاريحىنداعى العاشقى عارىشكەر رەتٸندە ەلەمگە تانىلدى.
