رەسەيدٸڭ قارجى مينيسترلٸگٸ درون شابۋىلىنان زارداپ شەككەن Wildberries كەسٸپكەرلەرٸنە قولداۋ كٶرسەتۋدٸ ۇسىندى. بۇل تۋرالى ۆەدومستۆونىڭ باسپاسٶز قىزمەتٸ مەلٸمدەدٸ, دەپ حابارلايدى dalanews.kz.
ۇسىنىسقا سەيكەس, شىعىنى جىلدىق تابىسىنىڭ 5 پايىزىنان اسقان كەسٸپكەرلەر كەيبٸر سالىقتار مەن ساقتاندىرۋ جارنالارىن بٸر جىلدان كەيٸن تٶلەي الادى. بۇل جەڭٸلدٸك زاڭدى تۇلعالار مەن جەكە كەسٸپكەرلەرگە بەرٸلەدٸ.
اتاپ ايتقاندا, 2026 جىلعى تامىزدان 2027 جىلعى شٸلدەگە دەيٸن تٶلەنۋگە تيٸس قوسىلعان قۇن سالىعى, تابىس سالىعى, جەڭٸلدەتٸلگەن سالىق جٷيەسٸ بويىنشا تٶلەمدەر مەن ساقتاندىرۋ جارنالارى 12 ايعا كەيٸنگە شەگەرٸلەدٸ. وسى مەرزٸم اياقتالعان سوڭ كەسٸپكەرلەر جينالعان قارىزىن تاعى بٸر جىل بويى تەڭ بٶلٸكتەرمەن ٶتەي الادى.
Wildberries كومپانيياسىنا دا سالىقتىق جەڭٸلدٸك قاراستىرىلىپ وتىر. كومپانييانىڭ 2026 جىلعى شٸلدەدەن 2027 جىلعى ماۋسىمعا دەيٸنگٸ سالىقتارى مەن ساقتاندىرۋ جارنالارىن تٶلەۋ مەرزٸمٸ 2027 جىلعى 28 شٸلدەگە دەيٸن ۇزارتىلماق. كەيٸن بۇل بەرەشەكتٸ بٸر جىل ٸشٸندە بٶلٸپ تٶلەۋگە مٷمكٸندٸك بەرٸلەدٸ.
سونداي-اق 2026 جىلدىڭ سوڭىنا دەيٸن زارداپ شەككەن كەسٸپكەرلەر مەن Wildberries-تٸڭ باس كومپانيياسى سانالاتىن "رۆب" توبىنا سالىقتىق تەكسەرۋ جٷرگٸزٸلمەيدٸ. بەرەشەكتٸ ٶندٸرٸپ الۋعا قاتىستى مەرزٸمدەر دە التى ايعا ۇزارتىلادى.
رەسەيدٸڭ قارجى مينيسترٸ انتون سيلۋانوۆ بۇل شارالار كەسٸپكەرلەرگە تٷسەتٸن قارجىلىق جەنە ەكٸمشٸلٸك جٷكتەمەنٸ ازايتىپ, جۇمىسىن قايتا قالپىنا كەلتٸرۋگە كٶمەكتەسەتٸنٸن ايتتى.
Wildberries نەگٸزٸن قالاۋشى تاتيانا كيم سالىقتى كەيٸن تٶلەۋ مٷمكٸندٸگٸ كومپانييا مەن كەسٸپكەرلەر ٷشٸن ماڭىزدى قولداۋ بولاتىنىن اتاپ ٶتتٸ.
"سالىق تٶلەۋ مەرزٸمٸن كەيٸنگە شەگەرۋ تۇتىنۋشىلارعا كٶرسەتٸلەتٸن قىزمەت ساپاسىن ساقتاۋعا جەنە كەسٸپكەرلەردٸڭ جۇمىسىن جالعاستىرۋعا مٷمكٸندٸك بەرەدٸ. سونداي-اق پلاتفورمالىق ەكونوميكانىڭ جاڭا جاعدايلارعا جىلدام بەيٸمدەلۋٸنە كٶمەكتەسەدٸ", - دەدٸ ول.
