رەسەي مەن قازاقستان اراسىنداعى "سىرىم – ماشتاكوۆو" شەكارا بەكەتٸندە جٷزدەگەن جٷك كٶلٸگٸ ەكٸ تەۋلٸكتەن بەرٸ ٶتە الماي تۇر. جٷرگٸزۋشٸلەردٸڭ ايتۋىنشا, رەسەي اۋماعىنداعى كەپتەلٸستٸڭ ۇزىندىعى شامامەن 18 شاقىرىمعا جەتكەن, دەپ حابارلايدى dalanews.kz.
Halyqstan رەداكتسيياسىنا جولدانعان ۆيدەودا جٷك كٶلٸگٸنٸڭ جٷرگٸزۋشٸسٸ الەكساندر رەسەي تاراپى كٶلٸكتەردٸ ٶتكٸزۋگە دايىن ەكەنٸن ايتقان. الايدا قازاقستانعا ٶتەتٸن باعىتتا كٶلٸكتەردٸڭ شامادان تىس جينالىپ قالۋىنا بايلانىستى قوزعالىس باياۋلاعان. سونىڭ سالدارىنان جٷك كٶلٸكتەرٸ بٸرنەشە تەۋلٸك بويى ورنىنان جىلجي الماي تۇر.
“كەزەكتٸڭ باسىندا تۇرعان جٷرگٸزۋشٸلەردٸڭ ايتۋىنشا, قازاقستان جاعى نە ٶتە باياۋ جۇمىس ٸستەپ جاتىر, نە مٷلدە قابىلداماي وتىر. ناقتى سەبەبٸن بٸلمەيمٸز. ماماندار جەتٸسپەي مە, تەحنيكا از با – بەلگٸسٸز. بٸراق ەكٸ تەۋلٸكتەن بەرٸ بٸر مەتر دە جىلجىعان جوقپىز”, – دەيدٸ ول.
ۇزاق كەزەكتە تۇرعان جٷرگٸزۋشٸلەرگە جول بويىندا قاجەتتٸ جاعدايدىڭ بولماۋى قوسىمشا قيىندىق تۋعىزىپ وتىر. مۇندا تاماقتانۋ ورىندارى قاراستىرىلماعان, اۋىزسۋ تابۋ دا قيىن. سونداي-اق دەرەتحانا مەن جۋىنۋ ورىندارى جوق.
بۇعان قوسا ٶڭٸردە كٷن ىستىق. اشىق اسپان استىندا تۇرعان جٷرگٸزۋشٸلەر ۇزاق كٷتۋگە مەجبٷر. ولاردىڭ اراسىندا جەمٸس-جيدەك پەن كٶكٶنٸس سەكٸلدٸ تەز بۇزىلاتىن ٶنٸمدەردٸ تاسىمالداپ كەلە جاتقاندار دا بار. ۇزاق كٸدٸرٸس سالدارىنان جٷكتٸڭ بٷلٸنۋ قاۋپٸ كٷشەيٸپ وتىر.
وسىعان بايلانىستى جٷرگٸزۋشٸلەر مەسەلەنٸ نازارعا الىپ, شەكاراداعى جاعدايدى رەتتەۋدٸ سۇرادى.
