رەسەيدٸڭ مەملەكەتتٸك ۆەب.رف دامۋ كورپوراتسيياسى باس ەكونوميست اندرەي كلەپاچتى قىزمەتٸنەن بوساتتى. بۇل ونىڭ رەسەي ەكونوميكاسىنىڭ جاعدايى مەن ۋكرايناداعى سوعىستىڭ ەلگە تٷسٸرٸپ وتىرعان شىعىنى تۋرالى سىني پٸكٸرلەرٸنەن كەيٸن بولعان, دەپ حابارلايدى dalanews.kz.
كلەپاچ ۆەب.رف-تە 2014 جىلدان بەرٸ باس ەكونوميست قىزمەتٸن اتقارعان. ونىڭ قىزمەتتەن كەتكەنٸن ۆەب.رف ٶكٸلٸ راستاعان, الايدا جۇمىستان بوساتىلۋ سەبەبٸن تٷسٸندٸرمەگەن. كلەپاچتىڭ ٶزٸ دە قىزمەتٸنەن كەتكەنٸن راستادى.
بۇعان دەيٸن ەكونوميست مامىر ايىندا مەسكەۋ بيرجاسىنىڭ نيكيتسكيي كلۋبىندا ٶتكەن كەزدەسۋدە رەسەيدٸڭ ەكونوميكالىق جەنە تەحنولوگييالىق تۇرعىدا اقش پەن قىتايدان, ال كەيبٸر باعىتتار بويىنشا ۋكراينادان دا ارتتا قالىپ جاتقانىن ايتقان.
كلەپاچ رەسەي ۇزاققا سوزىلاتىن ەكونوميكالىق «توزۋ سوعىسىندا» جەڭٸسكە جەتە المايتىنىن بولجاپ, ەلدە ەلەۋمەتتٸك داعدارىس قاۋپٸ بار ەكەنٸن ەسكەرتكەن. ونىڭ پٸكٸرٸنشە, ۋكراينا ەكونوميكاسىنىڭ جاقىن ارادا كٷيرەيدٸ دەگەن بولجامدار نەگٸزسٸز, ال سوعىس شىعىندارىنىڭ ٶسۋٸ رەسەيگە تٷسەتٸن قىسىمدى كٷشەيتٸپ وتىر.
ەكونوميست سونداي-اق رەسەي ەكونوميكاسىنىڭ سانكتسييالارعا بەلگٸلٸ بٸر دەڭگەيدە تٶتەپ بەرگەنٸن مويىنداعانىمەن, مەملەكەتتٸك باسقارۋداعى قاتەلٸكتەر مەن تيٸمسٸز شەشٸمدەر تۇراقسىزدىقتى كٷشەيتۋٸ مٷمكٸن ەكەنٸن ايتقان.
Reuters اگەنتتٸگٸنٸڭ مەلٸمەتٸنشە, كلەپاچتىڭ جۇمىستان بوساتىلۋىنا ونىڭ وسى سىني پٸكٸرلەرٸ سەبەپ بولعانىن جاعدايدان حاباردار ەكٸ دەرەككٶز راستاعان. الايدا ۆەب.رف بۇل اقپاراتتى رەسمي تٷردە راستاعان جوق.
كلەپاچ رەسەيدٸڭ ەكونوميكالىق دامۋ مينيسترٸنٸڭ ورىنباسارى قىزمەتٸن دە اتقارعان. ۆەب.رف ونىڭ ورنىنا جاڭا باس ەكونوميست كانديداتۋراسى تاڭدالعانىن حابارلادى.
