تانىمال اكتەر, "ٶنەر قىراندارى" ەزٸل-سىقاق تەاترىنىڭ مٷشەسٸ جانبولات نايزابەكوۆ ەلەۋمەتتٸك جەلٸدەگٸ پاراقشاسىندا قارالى حابارمەن بٶلٸستٸ, دەپ حابارلايدى dalanews.kz.
ٶنەر يەسٸ وتباسىمەن جاقىن ارالاسقان دوسىنىڭ ٶمٸردەن ٶتكەنٸن ايتىپ, قايعىسىن جەتكٸزدٸ. ونىڭ سٶزٸنشە, كەشە عانا سٶيلەسٸپ, اماندىق سۇراسقان ادامىنان بٷگٸن ايىرىلعانىن ەستۋ ٶتە اۋىر بولعان.
"كەشە عانا سٶيلەسٸپ, قال-جاعداي سۇراسىپ وتىرىپ, بٷگٸن جايسىز حابار ەستٸگەن قانداي جامان. دوسىم-اي... سٸزدەر تانىمايسىزدار. وتباسىمىزبەن ارالاساتىن جاقىن دوسىمىز. ٶتە جاقسى, سىيلى ادام ەدٸ. دوس دەگەنگە تۇرارلىق ازامات بولاتىن", – دەدٸ اكتەر.
جانبولات نايزابەكوۆ مارقۇمدى اقتىق ساپارعا شىعارىپ سالۋ ٷشٸن جاركەنتكە بارعانىن ايتتى.
"اجال عوي, ايتىپ كەلمەيدٸ. دوسىمىزدى اقتىق ساپارعا شىعارىپ سالۋعا جاركەنتكە كەلدٸك. كٸمنٸڭ قاشان ٶلەرٸن ەشكٸم بٸلمەيمٸز. رەنٸشسٸز ٶمٸر سٷرەيٸك", – دەپ جازدى ول.
اكتەردٸڭ بۇل جازباسىنان كەيٸن جەلٸ قولدانۋشىلارى كٶڭٸل ايتىپ, مارقۇمنىڭ جاقىندارىنا سابىر تٸلەدٸ.
