Tanymal akter, "Óner qyrandary" ázil-syqaq teatrynyń múshesi Janbolat Naizabekov áleýmettik jelidegi paraqshasynda qaraly habarmen bólisti, dep habarlaidy dalanews.kz.
Óner iesi otbasymen jaqyn aralasqan dosynyń ómirden ótkenin aityp, qaiǵysyn jetkizdi. Onyń sózinshe, keshe ǵana sóilesip, amandyq surasqan adamynan búgin aiyrylǵanyn estý óte aýyr bolǵan.
"Keshe ǵana sóilesip, qal-jaǵdai surasyp otyryp, búgin jaisyz habar estigen qandai jaman. Dosym-ai... Sizder tanymaisyzdar. Otbasymyzben aralasatyn jaqyn dosymyz. Óte jaqsy, syily adam edi. Dos degenge turarlyq azamat bolatyn", – dedi akter.
Janbolat Naizabekov marqumdy aqtyq saparǵa shyǵaryp salý úshin Jarkentke barǵanyn aitty.
"Ajal ǵoi, aityp kelmeidi. Dosymyzdy aqtyq saparǵa shyǵaryp salýǵa Jarkentke keldik. Kimniń qashan ólerin eshkim bilmeimiz. Renishsiz ómir súreiik", – dep jazdy ol.
Akterdiń bul jazbasynan keiin jeli qoldanýshylary kóńil aityp, marqumnyń jaqyndaryna sabyr tiledi.
