عىلىم جەنە جوعارى بٸلٸم مينيسترلٸگٸ مەملەكەتتٸك ۋنيۆەرسيتەت رەكتورلارىنىڭ قىزمەت ەتۋ مەرزٸمٸن التى جىلمەن شەكتەمەك. بۇل تۋرالى مينيستر ساياسات نۇربەك مەلٸمدەدٸ, دەپ حابارلايدى dalanews.kz.
Pikirmedia.kz جۋرناليسٸ مەكتەپ ديرەكتورلارىنا روتاتسييا تەرتٸبٸ قولدانىلاتىنىن اتاپ ٶتٸپ, نەلٸكتەن جوعارى وقۋ ورىندارىنىڭ رەكتورلارىنا وسىنداي مەرزٸمدٸك شەكتەۋ قويىلمايتىنىن سۇرادى. ول مىسال رەتٸندە ل.ن. گۋميلەۆ اتىنداعى ەۋرازييا ۇلتتىق ۋنيۆەرسيتەتٸن 2011 جىلدان بەرٸ باسقارىپ كەلە جاتقان ەرلان سىدىقوۆتى اتادى.
ساياسات نۇربەكتٸڭ ايتۋىنشا, رەكتورلارمەن ستاندارتتى تٷردە ٷش جىلعا كەلٸسٸمشارت جاسالادى. مينيسترلٸك ونى تاعى بٸر مەرزٸمگە ۇزارتۋعا قۇقىلى. ودان كەيٸن باسشىلىق قىزمەتكە كونكۋرس جارييالانادى.
“نەگٸزٸندە, ستاندارتتى كەلٸسٸمشارتتىڭ مەرزٸمٸ – ٷش جىل. مينيسترلٸك ونى ەكٸنشٸ مەرزٸمگە ۇزارتۋعا قۇقىلى. ودان كەيٸن كونكۋرس ٶتكٸزٸلەدٸ”, - دەدٸ مينيستر.
الايدا قولدانىستاعى زاڭناما بويىنشا قىزمەتتەگٸ رەكتوردىڭ كونكۋرسقا قايتا قاتىسۋىنا شەكتەۋ قويۋ مٷمكٸن ەمەس. سوندىقتان كەيبٸر ۋنيۆەرسيتەت باسشىلارى كونكۋرستان قايتا ٶتٸپ, قىزمەتٸن بٸرنەشە مەرتە جالعاستىرىپ كەلەدٸ.
“قازٸرگٸ رەكتورلاردىڭ كونكۋرسقا قاتىسۋىن شەكتەۋگە بٸزدٸڭ مٷمكٸندٸگٸمٸز جوق. زاڭ بويىنشا كەز كەلگەن ازامات كونكۋرسقا قاتىسا الادى. ٶكٸنٸشكە قاراي, كەي جاعدايلاردا رەكتورلاردىڭ قىزمەت مەرزٸمٸ كونكۋرس ارقىلى ۇزارا بەرەدٸ”, - دەپ تٷسٸندٸردٸ ساياسات نۇربەك.
مينيسترلٸك ەندٸ رەكتورلاردىڭ بٸر ۋنيۆەرسيتەتتٸ باسقارۋ ۋاقىتىن ەكٸ مەرزٸممەن شەكتەۋ تۋرالى شەشٸم قابىلداپ جاتىر. ۆەدومستۆو باسشىسى التى جىل جوعارى وقۋ ورنىن دامىتۋعا جەنە جٷيەلٸ جۇمىس جٷرگٸزۋگە جەتكٸلٸكتٸ مەرزٸم دەپ ەسەپتەيتٸنٸن ايتتى.
“بٸز قازٸر ەكٸ مەرزٸممەن شەكتەۋ تۋرالى شەشٸم قابىلداپ جاتىرمىز. التى جىل ٸشٸندە ۋنيۆەرسيتەتتٸ اياققا تۇرعىزۋعا مٷمكٸندٸك بولادى. ەرلان سىدىقوۆتىڭ كەلٸسٸمشارتى كەلەسٸ جىلدىڭ باسىندا اياقتالادى, سودان كەيٸن اۋىستىرامىز”, - دەدٸ مينيستر.
ساياسات نۇربەك ۇزاق ۋاقىت قىزمەت اتقارعان رەكتورلارعا دا توقتالدى. ونىڭ ايتۋىنشا, سەرسەن امانجولوۆ اتىنداعى شىعىس قازاقستان ۋنيۆەرسيتەتٸن شامامەن سەگٸز جىل باسقارعان مۇحتار تٶلەگەن جۋىردا قىزمەتٸنەن اۋىستىرىلعان.
جالپى, قازاقستاندا رەكتورلاردىڭ جوعارى وقۋ ورنىن باسقارۋ مەرزٸمٸ ورتا ەسەپپەن تٶرت-بەس جىلدى قۇرايدى. قازٸر بٸرقاتار باسشىنىڭ ەكٸنشٸ قىزمەت مەرزٸمٸ اياقتالىپ كەلەدٸ.
“ەكٸنشٸ مەرزٸمدەرٸ اياقتالعاننان كەيٸن قابىلدانعان ۇستانىمعا سەيكەس رەكتورلاردى اۋىستىرامىز نەمەسە جاڭا كونكۋرس جارييالايمىز”, - دەدٸ ۆەدومستۆو باسشىسى.
جۋرناليست مينيستردەن ەرلان سىدىقوۆتى قىزمەتٸنەن اۋىستىرۋعا زاڭنامالىق مٷمكٸندٸك جەتپەي وتىر ما دەپ ناقتىلادى. ساياسات نۇربەك بۇل پٸكٸرمەن كەلٸسپەي, مەسەلە مينيسترلٸكتٸڭ ٶكٸلەتٸنە ەمەس, زاڭدا كونكۋرسقا قايتا قاتىسۋعا تىيىم سالاتىن نورمانىڭ بولماۋىنا بايلانىستى ەكەنٸن جەتكٸزدٸ.
“جوق, مەسەلە وندا ەمەس. قازٸرگٸ زاڭنامادا كونكۋرسقا قاتىسۋدى شەكتەيتٸن نورما جوق. ونىڭ جاعىمسىز سالدارى بار. بٸر قىزمەتتە ۇزاق جىل وتىرعان رەكتورلارىمىز بار ەكەنٸن مويىنداۋىمىز كەرەك”, - دەدٸ مينيستر.
