رايىمبەك اۋدانىندا وبلىس اكىمى ا. باتالوۆ بىرنەشە نىساندى ارالادى. اتباسىن بۇرعان العاشقى نىسان – تەكەس اۋىلىنداعى سەرۆيستىك دايىنداۋ ورتالىعى. وتكەن جىلى وبلىس بيۋدجەتىنەن كارتوپ ءوندىرىسىن دامىتۋ ءۇشىن ارنايى سدو قۇرىپ، تەحنيكالار الۋعا 500 ملن تەڭگە بولىنگەن بولاتىن.
سول كومەكتىڭ ارقاسىندا 3 سدو جاساقتالىپ، 458 ملن. تەڭگەگە جالپى سانى 87 بىرلىك تەحنيكا ساتىپ الىنعان، سونىڭ ىشىندە 21 تراكتور، 5 كومباين بار.
قالعان سوماعا الداعى ۋاقىتتا تەحنيكالار تاعى دا تولىقتىرىلاتىن بولادى. سدو-نىڭتەمىر تۇلپارلارىن تىزگەندەۋگە جاس ماماندار الماتىدان ارنايى شاقىرىلعان. ولاردىڭ اراسىندا تۋعان جەردەن جىراققا كەتكەن نارىنقولدىق جاستار دا بار.
رايىمبەك اۋداندىق اۋىل شارۋاشىلىعى ءبولىمىنىڭ باسشىسى نۇرلان ورالقۇلوۆتىڭ ايتۋىنشا، بيىل اۋداندا كارتوپ 6 مىڭ گەكتارعا سەبىلىپ، ودان 123 مىڭ توننا ءونىم الۋ جوسپارلانىپ وتىرعانىن تىلگە تيەك ەتتى.
2018 جىلى وبلىستىق اكىمدىك كومەگىمەن 240 توننا گوللانديالىق «سانتە» جانە «اگريا» سورتتارى ساتىپ الىنىپ، سول سورتتاردىڭ تۇقىمدارى بىلتىر 70 گەكتارعا سەبىلسە، بيىل بۇل كورسەتكىش 10 ەسەگە ءوسىپ، 700 گەكتارعا جەتكەن.
جاڭا تۇقىمنىڭ، جاڭا تەحنولوگيانىڭ ارقاسىندا ونىمدىلىك تە ارتتى. بۇرىن ءار گەكتارىنان 170-180 سەنتنەردەن كارتوپ الىناتىن بولسا، ءقازىر بۇل كورسەتكىش 380 سەنتنەرگە جەتكەن.
القاپ باسىندا «وركەن» جانە «ميراس» شارۋا قوجالىقتارىندا وسىرىلگەن كارتوپتىڭ ءتۇرلى سورتتارىنىڭ ونىمدەرى كورسەتىلدى.«وركەن» شق باسشىسى تالعات نۇسىپقوجايەۆتىڭ سوزىنە سۇيەنسەك، «سانتە» سورتىن وڭدەۋگە چيپسى شىعاراتىن كاسىپورىنمەن كەلىسسوزدەر جۇرگىزىلۋدە. سونىمەن بىرگە وسى اۋداندا كارتوپتى وڭدەپ، كراحمال دايىندايتىن زاۋىت اشۋعا ۇسىنىس تۇسكەنى جانە ونى جۇزەگە اسىرۋدىڭ مۇمكىندىكتەرى قاراستىرىلىپ جاتقانى ايتىلىپ، شارۋالار وبلىس باسشىلىعىنان وسى باستاماعا قولداۋ تانىتۋدى سۇرادى.
ءوز كەزەگىندە الماتى وبلىسى اكىمى اماندىق باتالوۆ يگى باستاماعا ءتيىستى كومەك كورسەتۋگە ءازىر ەكەنىن جەتكىزىپ، ناقتى جوبا-جوسپارلارىن بىرگە تالقىلاۋعا شاقىردى. «شيكىزاتتى مول ءارى ساپالى وندىرەتىن ايماقتى وڭدەۋشىلەر وزدەرى ىزدەپ كەلەدى، بۇل – نارىقتىڭ، بيزنەستىڭ زاڭدىلىعى. مۇنداي باستامالاردى قاشاندا قولداۋىمىز كەرەك» دەدى اكىم.
مۇنان سوڭ وبلىس باسشىسى نارىنقول اۋىلىندا قۇرىلىسى ءجۇرىپ جاتقان ءبىرقاتار مەكەمەلەر عيماراتتارىن ارالاپ كوردى. مۇنداعى سپورتتىق-ساۋىقتىرۋ كەشەنىنىڭ قۇرىلىسىن «فۋدمس» ج ش س جۇرگىزۋدە.
قۇنى 1،1 ملرد تەڭگەگە جۋىق عيمارات 4 مىڭ شارشى مەتردى قۇرايدى. قۇرىلىس الاڭىندا جۇمىس قىزۋ ءجۇرىپ جاتىر. سول سياقتى 83 جەكە تۇرعىن ءۇي تۇسەتىن ورىندى كورىپ، ونىڭ جوباسىمەن تانىستى.
وعان قوسا رەسپۋبليكالىق باعىنىستاعى مەملەكەتتىك مەكەمەلەر ورنالاساتىن عيمارات، «ازاماتتارعا ارنالعان ۇكىمەت»، سەرۆيستىك اكىمدىك، اۋداندىق اكىمدىك عيماراتتارىنىڭ قۇرىلىسىن ارالاعان وبلىس باسشىسى جۇمىستىڭ ساپاسىنا نازار اۋداردى.
عيماراتتار اۋلالارىنا توسەلەتىن تاستار مەن پليتكالاردىڭ، ورناتىلاتىن قورشاۋلاردىڭ ۇلگىلەرى كورسەتىلىپ، اباتتاندىرۋ جوسپارلارى تانىستىرىلدى. وبلىس اكىمى مەردىگەر ۇيىمدارعا جۇمىس كەستەسىنەن كەشىكپەۋدى، وعان قوسا قۇرىلىستى ساپالى جۇرگىزۋدى، عيماراتتاردىڭ بەلگىلەنگەن مەرزىمىندە ىسكە قوسۋعا دايىن بولۋى كەرەكتىگىن قاتاڭ ەسكەرتتى. ماسەلەن، «ازاماتتارعا ارنالعان ۇكىمەت» عيماراتىن مەردىگەر مەكەمە «كەرۋەن سەرۆيس» سەرىكتەستىگى وكىلى قاراشا ايىندا اياقتايتىندارىن ايتسا، قايتا جاڭعىرتىلىپ جاتقان اۋداندىق اكىمدىك عيماراتىنىڭ ىشكى ارلەۋ جۇمىستارى عانا قالعان.
وبلىس اكىمى ا. باتالوۆ جاڭا قۇرىلعان اۋداننىڭ الەۋمەتتىك-ەكونوميكالىق دامۋىنداعى ەلەۋلى وزگەرىستەر تۋرالى جانە الداعى مىندەتتەر جايىندا ايتىپ ءوتتى.
– جاڭا اۋدانداعى جۇمىس قارقىندى.حالىققا قىزمەت كورسەتەتىن ءتۇرلى مەكەمەلەر سالىنىپ، بار عيماراتتاردى قايتا جاڭعىرتىپ، جاڭالاپ جاتىرمىز. نارىنقول اۋىلىن كوگالداندىرۋعا، جولداردى جوندەۋگە، كوشەنى جارىقتاندىرۋعا، بالالاردىڭ ويىن الاڭدارى مەن سپورتتىق الاڭدارىن سالۋعا، تۇرعىن ۇيلەردىڭ اۋلالارىن كوركەيتۋگە، قاي جاعىنان بولسىن اۋدان ازاماتتارى، وبلىستىڭ ءاربىر اۋدان، قالاسى ءوز ۇلەستەرىن قوسۋدا. نارىنقول ءوڭىرىنىڭ، اسىرەسە، اۋىل شارۋاشىلىعىنداعى مۇمكىندىگى كوپ. رايىمبەك اۋدانىنا كارتوپتى وندىرىستىك ماسشتابتا وسىرۋگە جاساعان مەملەكەت قولداۋى ءوز ناتيجەسىن بەرىپ وتىر. جاس ماماندار تۋعان جەرگە ورالۋدا. تەحنيكالار جاڭاردى، تولىقتى. دەگەنمەن تەحنيكانى كۇتىپ-باپتاۋدى – جابىق شاتىردىڭ استىندا ۇستاۋ،مايلاۋ، كوكتەمگى-كۇزگى ناۋقانعا دايىنداۋ شارالارىن جۇرگىزۋدى ۇمىتپاۋ كەرەك. سوندا عانا تەحنيكا ۇزاق جىل سەنىممەن قىزمەت ەتەدى. وبلىس بويىنشا يرريگاسيالىق جۇيەلەردى قالپىنا كەلتىرۋ جۇمىسىنا كىرىستىك. سونىڭ ناتيجەسىندە ءبىر عانا رايىمبەك اۋدانىنىڭ وزىندە 6 مىڭ گەكتار جەر قالپىنا كەلتىرىلەدى. ياعني كارتوپ ءوندىرىسىن ودان ءارى دامىتۋعا مۇمكىندىك مولايادى دەگەن ءسوز. ءبىز ءوز تاراپىمىزدان اۋىلدىڭ ەڭبەككەر حالقىنا قولداۋ كورسەتىپ، اۋىل شارۋاشىلىعىن وركەندەتۋدى جالعاستىراتىن بولامىز، – دەدى ا. باتالوۆ.
الماتى وبلىسى اكىمىنىڭ باسپا ءسوز قىزمەتى
