شەشەنستان باسشىسى رامزان قادىروۆتىڭ 20 جاستاعى ۇلى ادام قادىروۆ ۆيسە-پرەمەر مىندەتىن ۋاقىتشا اتقارۋشى بولىپ تاعايىندالدى.بۇل جونىندە رامزان قادىروۆ Telegram-ارناسىندا مالىمدەدى، دەپ حابارلايدى Dalanews.kz.
ونىڭ ايتۋىنشا، تاعايىنداۋ شەشىمى رەسپۋبليكا ۇكىمەتىنىڭ ءتوراعاسى ماگومەد داۋدوۆتىڭ ۇسىنىمى نەگىزىندە قابىلدانعان. سونىمەن قاتار ۆيسە-پرەمەردىڭ مىندەتىن ۋاقىتشا اتقارۋشى لاۋازىمىنا ۇلتتىق ساياسات، سىرتقى بايلانىستار، باسپا ءسوز جانە اقپارات ءمينيسترى احمەد دۋدايەۆ تا بەكىتىلدى.
رامزان قادىروۆ احمات قادىروۆ پەن احمەد دۋدايەۆتى جاۋاپكەرشىلىگى جوعارى باسشىلار رەتىندە سيپاتتاپ، ولاردىڭ باسقارۋشىلىق تاجىريبەسىن جانە رەسپۋبليكا دامۋىنا قوسقان ۇلەسىن اتاپ ءوتتى.
بۇعان دەيىن شەشەنستان ۇكىمەتى باسشىسىنىڭ مىندەتىن يسا تۋمحادجييەۆ اتقارعان ەدى.
ەسكە سالايىق، بۇعان دەيىن شەشەنستان باسشىسى رامزان قادىروۆتىڭ دەنساۋلىعى سىر بەرگەنى تۋرالى اقپارات تاراعان ەدى.
