سولتۇستىك كورەيادا ورىس ءتىلى مىندەتتى پانگە اينالدى، دەپ حابارلايدى Dalanews.kz.
سولتۇستىك كورەيا مەكتەپتەرىندە ورىس ءتىلىن 4-سىنىپتان باستاپ مىندەتتى تۇردە وقىتۋ ەنگىزىلدى. بۇل اقپاراتتى رەسەيدىڭ تابيعي رەسۋرستار جانە ەكولوگيا ءمينيسترى الەكساندر كوزلوۆ مالىمدەدى.
كوزلوۆتىڭ ايتۋىنشا، كحدر ءبىلىم بەرۋ جۇيەسىندە ورىس ءتىلى 4-سىنىپتان باستاپ مىندەتتى ءپان مارتەبەسىنە يە بولعان.
«رەسەيدە دە كورەي ءتىلىن ۇيرەنەتىن وقۋشىلاردىڭ قاتارى كوبەيىپ كەلەدى»، – دەدى مينيستر.
قازىرگى ۋاقىتتا رەسەيدە 3 مىڭنان اسا وقۋشى كورەي ءتىلىن مەڭگەرىپ ءجۇر، ال سولتۇستىك كورەيادا شامامەن 600 ادام ورىس ءتىلىن وقىپ جاتىر.
كوزلوۆتىڭ مالىمدەۋىنشە، ورىس ءتىلى سولتۇستىك كورەيادا بۇرىننان ەڭ سۇرانىسقا يە ءۇش شەتەل ءتىلىنىڭ قاتارىنا كىرەدى.
