اقش-تا تۇراتىن قوعام بەلسەندٸسٸ, ساياساتكەر عالىمجان جاقييانوۆتىڭ جارى قارلىعاش جاقييانوۆا ەل اراسىندا تاراعان سارا الپىسقىزى تۋرالى پٸكٸرلەرگە بايلانىستى ٶز ەستەلٸگٸن جارييالاپ, كٶپشٸلٸكپەن بٶلٸستٸ, دەپ حابارلايدى Dalanews.kz.
ول 2003 جىلى ساياسي كٶزقاراسى ٷشٸن سوتتالعان جۇبايى عالىمجانمەن كەزدەسۋگە قۇشمۇرىن تٷرمەسٸنە جول تارتقان سەتتٸ ەسكە الدى.
"ونداي كەزدەسۋگە ٷش ايدا بٸر رەت قانا رۇقسات بەرٸلەتٸن. جول ٷستٸندە ماعان بٸرەۋ سٶيلەسكٸسٸ كەلەتٸنٸن ايتىپ, تەلەفون سوقتى. بۇل — سارا الپىسقىزى ەدٸ. سول سەتتە كٶپ ادام بٸزدەن تەرٸس اينالعان ەدٸ, ال ونىڭ ماعان حابارلاسۋى — كٷتپەگەن ەرٸ ٷلكەن دەمەۋ بولدى", — دەپ جازدى جاقييانوۆا.
وسى تۇستا كٷتپەگەن جەردەن وعان سارا الپىسقىزى ٶزٸ قوڭىراۋ شالىپ:
"مىقتى بول, جانىم. سەن مىقتىسىڭ. مەن ەردايىم سەنٸڭ جانىڭدامىن" دەپ دەمەۋ بٸلدٸرگەن.
"بۇل قىسقا عانا ەڭگٸمە ەدٸ, بٸراق ماعان عاسىرداي ەسەر ەتتٸ. بٸر جىلدان استام ۋاقىت بويى تۇمشالانعان جان-دٷنيەم العاش رەت جارىق سەۋلە كٶرگەندەي سەرپٸلٸپ قالدى", — دەيدٸ ول.
كەيٸنٸرەك سارا الپىسقىزى قارلىعاش جاقييانوۆانى تۋعان ٶلكەسٸ — بەلۋحا تاۋىنا بٸرگە بارۋعا شاقىرعان. بۇل ساپارعا تەك ٶزٸنە ەڭ جاقىن جانداردى ەرتپەك بولعانىن جەتكٸزگەن. قارلىعاش بۇل ۇسىنىستى قابىل الىپ, ٶسكەمەنگە, ودان بەلۋحاعا جول تارتقان. ساپار بارىسىندا ولاردى جەرگٸلٸكتٸ بيلٸك ٶكٸلدەرٸ قارسى العانىمەن, كەيبٸرەۋلەرٸ جاقييانوۆتىڭ جۇبايىن تانىماي, سىرت اينالعانداي بولعان.
"بٸراق سول جەردە “سونار” انسامبلٸنٸڭ جەتەكشٸسٸ عيبرات مەنٸ تانىپ, كەلٸپ قۇشاقتاپ, كەشكٸ كونتسەرتتە جٷرەكجاردى العىسىن ايتىپ, “اينالايىن” ەنٸن ارنادى. وعان جاۋاپ رەتٸندە سارا الپىسقىزى: “ٶمٸر — كٷردەلٸ, بٸراق كەرەمەت. قانداي جاعداي بولسا دا, ادام بولىپ قالۋىمىز كەرەك” دەپ, ٶزٸ “جان دوسىم” ەنٸن ورىنداپ بەردٸ", — دەپ ەسكە الادى قارلىعاش جاقييانوۆا.
ول سارا الپىسقىزىن ادامگەرشٸلٸگٸ بيٸك, ارى تازا, جٷرەگٸ مەيٸرٸمگە تولى تۇلعا رەتٸندە سيپاتتاپ, قيىن سەتتە جانىنان تابىلعانى ٷشٸن العىس بٸلدٸردٸ. سونىمەن قاتار ونى تٷسٸندە كٶرگەنٸن ايتىپ, بۇل وقيعانى بٷگٸنگٸ قوعامعا وي سالۋ ٷشٸن جازعانىن اتاپ ٶتتٸ.
