پرەزيدەنت قاسىم-جومارت توقاەۆ قۇرىلتاي سايلاۋىن ٶتكٸزۋ تۋرالى جارلىققا قول قوياتىنىن مەلٸمدەدٸ, دەپ حابارلايدى dalanews.kz.
مەملەكەت باسشىسى پارلامەنت پالاتالارىنىڭ بٸرلەسكەن وتىرىسىندا جاڭا كونستيتۋتسييانىڭ كٷشٸنە ەنۋٸ ەلدٸڭ قوعامدىق-ساياسي دامۋىنداعى جاڭا كەزەڭنٸڭ باستاماسى ەكەنٸن اتاپ ٶتتٸ.
«جاڭا كونستيتۋتسييانىڭ زاڭدى كٷشٸنە ەنۋٸ – ۇلت تاعدىرىنا تٸكەلەي ەسەر ەتەتٸن تاريحي وقيعا. نەگٸزگٸ زاڭىمىز قوعامدىق-ساياسي ٷدەرٸستەردٸڭ اۋقىمدى جاڭا كەزەڭٸنە جول اشادى. وسىعان بايلانىستى مەن بٸرقاتار قۇجاتقا, سونىڭ ٸشٸندە قۇرىلتاي سايلاۋىن ٶتكٸزۋ تۋرالى جارلىققا قول قويامىن», – دەدٸ قاسىم-جومارت توقاەۆ.
پرەزيدەنتتٸڭ ايتۋىنشا, الداعى سايلاۋ ناۋقانى ساياسي پارتييالار اراسىنداعى بەسەكەنٸ كٷشەيتٸپ, اشىق ەرٸ ەدٸل ساياسي كٷرەستٸڭ ٷلگٸسٸنە اينالۋى تيٸس.
«الداعى سايلاۋ ناۋقانى ساياسي پارتييالار اراسىنداعى بەسەكەنٸ كٷشەيتەدٸ. بۇل ناۋقان اشىق, ادال جەنە ەدٸل ساياسي بەسەكەنٸڭ جارقىن ٷلگٸسٸ بولۋى كەرەك. سايلاۋعا قاتىسۋ – مەملەكەتتٸك ماڭىزى بار ٸسكە اتسالىسۋ دەگەن سٶز. سوندىقتان ازاماتتارىمىز الداعى سايلاۋ ناۋقانىنا بەلسەندٸ قاتىسادى دەپ سەنەمٸن», – دەدٸ مەملەكەت باسشىسى.
توقاەۆ قۇرىلتايدىڭ جاڭا قازاقستاننىڭ باستى سيمۆولدارىنىڭ بٸرٸ بولاتىنىن ايتىپ, ونىڭ قۇرامىنا ەلجاندى ازاماتتار ەنۋٸ قاجەت ەكەنٸن جەتكٸزدٸ.
«قۇرىلتاي – جاڭا قازاقستاننىڭ ەڭ ماڭىزدى سيمۆولدارىنىڭ بٸرٸ. سوندىقتان ونىڭ قۇرامىنا ناعىز پاتريوتتار, باستاماشىل ەرٸ مەملەكەتشٸل ازاماتتار, ياعني ٷزدٸكتەردٸڭ ٷزدٸگٸ ەنۋٸ كەرەك. ٶيتكەنٸ حالىق رەفورمالاردىڭ نەتيجەسٸن ەڭ الدىمەن قۇرىلتايدىڭ جۇمىسىنا قاراپ باعالايدى», – دەدٸ پرەزيدەنت.
سٶز سوڭىندا مەملەكەت باسشىسى سەنات پەن مەجٸلٸس باسشىلىعىنا جەنە دەپۋتاتتارىنا اتقارعان جۇمىستارى ٷشٸن العىس بٸلدٸرٸپ, قازٸرگٸ پارلامەنتتٸڭ بٸرقاتار دەپۋتاتتارى الداعى ۋاقىتتا قۇرىلتاي مەن قازاقستان حالىق كەڭەسٸنٸڭ قۇرامىندا قىزمەتٸن جالعاستىراتىنىنا سەنٸم بٸلدٸردٸ.
