سايلاۋدا پارتييالاردىڭ كٸم فاۆوريت, كٸم اۋتسايدەر ەكەنٸن الدىن الا تارازىلاۋدىڭ اسا مەنٸ جوق. ساياساتتا سوڭعى سٶزدٸ رەيتينگ ەمەس, داۋىس بەرەدٸ. بٸراق سەتتٸ ناۋقانداردىڭ ورتاق بەلگٸلەرٸ بار بولسا, سەتسٸز ناۋقانداردىڭ ٶزٸنە تەن سەبەپتەرٸ بولادى. ساياساتتانۋشى تالعات قاليەۆ پارتييالاردىڭ سايلاۋ الدىنداعى ەرەكەتتەرٸن سارالاپتى.
قازٸرگٸ ساياسي دوداعا سىرتتاي قاراعاننىڭ ٶزٸندە كەيبٸر پارتييالاردىڭ نەگە ەلەكتورالدىق تۇرعىدان قيىن جاعدايعا تاپ بولعانى بايقالادى. بٸرٸندە — ٸشكٸ تارتىس, ەكٸنشٸسٸندە — كٶشباسشىلاردىڭ داۋلى مەلٸمدەمەلەرٸ, ٷشٸنشٸسٸندە — ەسكٸ ريتوريكادان ارىلا الماۋ.
«بايتاقتىڭ» بايبالامى: ساياساتتان بۇرىن جانجال
تالعات قاليەۆتٸڭ باعالاۋىنشا, «بايتاق» سايلاۋالدى ناۋقانىن ساياسي يدەيامەن ەمەس, جانجالمەن باستادى.
پارتييا سەزٸنٸڭ ٶزٸندە بٸر توپ قاتىسۋشى تٶراعانى قايتا سايلاۋ مەسەلەسٸن كٷن تەرتٸبٸنە ەنگٸزۋگە ەرەكەت جاساعان. الايدا ساياسي پٸكٸرتالاس تٶبەلەسكە ۇلاسىپ كەتتٸ.
بۇل «بايتاق» ٷشٸن جاي عانا سەزد ٸشٸندەگٸ كەلٸسپەۋشٸلٸك ەمەس. ٶيتكەنٸ پارتييا ٸشٸندەگٸ بيلٸككە تالاس بۇرىن دا بايقالعان. ال سايلاۋ قارساڭىندا ٸشكٸ بٸرلٸكتٸڭ ورنىنا جانجالدىڭ العا شىعۋى سايلاۋشىعا جاقسى سيگنال بەرمەيدٸ.
ەڭ باستىسى — «بايتاقتىڭ» قازٸرگٸ ناۋقانىندا قوعامنىڭ ەسٸندە قالاتىنداي جاڭا يدەيا مەن ٶتكٸر ساياسي ۇسىنىس ەزٸرگە كٶرٸنە قويعان جوق.
ياعني پارتييانىڭ بايتاق باعدارلامادان بۇرىن بايبالامى كٶزگە تٷسٸپ تۇر.
«رەسپۋبليكا»: جەڭٸستەن كەيٸنگٸ سۇراق كٶپ
«رەسپۋبليكا» بۇعان دەيٸن مەجٸلٸسكە ٶتۋ شەگٸن ەڭسەرٸپ, سالىستىرمالى تٷردە تابىستى پارتييالاردىڭ قاتارىنا كٸرگەن ەدٸ. بٸراق پارلامەنتتەگٸ كەزەڭنەن كەيٸن پارتييا تٶڭٸرەگٸندەگٸ اقپاراتتىق فون بۇرىنعىداي مٸنسٸز ەمەس.
پارتييانىڭ تانىمال ٶكٸلدەرٸنٸڭ بٸرٸ دينارا شٷكٸجانوۆانىڭ دەپۋتاتتىق مانداتىنان مەرزٸمٸنەن بۇرىن باس تارتىپ, بيزنەسكە كەتۋٸ — سونىڭ بٸرٸ. ەندٸ ونىڭ قايتادان پارتييالىق تٸزٸمنەن كٶرٸنۋٸ دە سۇراق تۋعىزباي قويمايدى.
ساراپشىلار مۇنى پارتييا ٸشٸندەگٸ جاس كٶشباسشىلار اراسىنداعى بەسەكەلەستٸكپەن بايلانىستىرادى. قالاي بولعاندا دا, دەپۋتاتتىق مانداتتان باس تارتىپ, كەيٸن قايتا سايلاۋالدى تٸزٸمگە ورالۋ — ەلەكتورات ٷشٸن تٷسٸندٸرۋدٸ قاجەت ەتەتٸن شەشٸم.
بەردەنوۆ وقيعاسى: پارتييانىڭ ٷنسٸزدٸگٸ تۋرالى سۇراق
«رەسپۋبليكانىڭ» تاعى بٸر بەلگٸلٸ ٶكٸلٸ رۋسلان بەردەنوۆ شىمكەنت قالاسى ەكٸمٸنٸڭ ورىنباسارى قىزمەتٸنە تاعايىندالعاننان كەيٸن قاستاندىققا ۇشىرادى.
وسى وقيعادان كەيٸن پارتييانىڭ ٶز مٷشەسٸنە ساياسي تۇرعىدا قانشالىقتى قولداۋ كٶرسەتكەنٸ جٶنٸندە سىن ايتىلدى. پارتييا مەلٸمدەمەلەرٸنٸڭ جالپى سيپاتتا قالۋى دا تٷرلٸ پٸكٸر تۋعىزدى.
بۇل جەردە مەسەلە تەك بٸر وقيعادا ەمەس. كەز كەلگەن ساياسي پارتييانىڭ كٷشٸ ونىڭ مٷشەسٸ قيىندىققا تاپ بولعان كەزدە كٶرٸنەدٸ. سوندىقتان بەردەنوۆ وقيعاسى «رەسپۋبليكا» كومانداسىنىڭ ٸشكٸ ساياسي تۇتاستىعىنا قاتىستى سۇراقتاردى كٷشەيتتٸ.
ايداربەكتٸڭ «ايىبى»: اباي تۋرالى بٸر اۋىز سٶزدٸڭ سالماعى
ال «رەسپۋبليكا» ٷشٸن ەڭ اۋىر اقپاراتتىق سوققىلاردىڭ بٸرٸ پارتييا تٶراعاسى ايداربەك حودجانازاروۆتىڭ دەباتتاعى ابايعا قاتىستى سٶزٸ بولدى.
حودجانازاروۆ ابايدىڭ قالىپتاسۋىن قۇنانبايدىڭ دەۋلەتٸمەن بايلانىستىراتىن پٸكٸر ايتتى. ونىڭ سٶزٸ قوعامدا قىزۋ تالقىعا تٷسٸپ, ەسٸرەسە ۇلتتىق قۇندىلىق پەن اباي مۇراسىنا سەزٸمتال اۋديتورييانىڭ نارازىلىعىن تۋدىردى.
ساياساتكەردٸڭ بٸر اۋىز سٶزٸ كەيدە جٷز كٷندٸك پياردان دا كٷشتٸ ەسەر ەتەدٸ. بۇل جولى دا سولاي بولدى.
ايداربەكتٸڭ ايىبى — ايتقان سٶزٸنٸڭ ساياسي سالماعىن دەر كەزٸندە ەسەپتەي الماۋىندا.
پارتيياعا جاقىن بولۋى مٷمكٸن ەلەكتوراتتىڭ بٸر بٶلٸگٸن وسىنداي داۋلى ريتوريكامەن الىستاتىپ الۋ قاۋپٸ پايدا بولدى.
جاستار بار. بٸراق ساياسي مازمۇن قايدا?
«رەسپۋبليكا» جاستار اۋديتوريياسىمەن بەلسەندٸ جۇمىس ٸستەپ جاتىر. بۇل — پارتييانىڭ كٷشتٸ جاعى بولۋى مٷمكٸن.
بٸراق جاستاردى جيناۋ مەن جاستاردىڭ ساياسي داۋىسىن قالىپتاستىرۋ — ەكٸ بٶلەك نەرسە.
ەموتسييالىق ۇران, ەلەۋمەتتٸك جەلٸدەگٸ بەلسەندٸلٸك, تٷرلٸ اكتسييالار بار. ال ولاردىڭ ناقتى باعدارلامالىق شەشٸمدەرگە قالاي اينالاتىنى ەزٸرگە انىق كٶرٸنبەيدٸ.
سايلاۋشىعا «بٸز جاستارمىز» دەۋ از. ەڭ باستىسى — جاستار ٷشٸن ناقتى نە ٶزگەرەدٸ?
PR كٶپ پە, پوزيتسييا از با?
پارتييانىڭ اقپاراتتىق ناۋقانىنداعى كەيبٸر ولقىلىقتاردى جۋرناليستەر پيار ستراتەگيياسىمەن بايلانىستىرادى.
پارتييانىڭ كوممۋنيكاتسييالىق جۇمىسىنا بۇرىن ۇلتتىق وليمپيادا كوميتەتٸندە قىزمەت اتقارعان جانار ۋتەشەۆا جاۋاپ بەرەتٸنٸ ايتىلىپ جٷر. سونىمەن بٸرگە جۋرناليستٸك ورتادا پارتييا كٶشباسشىلارىنىڭ سايلاۋ ناۋقانىن ەرقايسىسى جەكە پيار كوماندالارىمەن جٷرگٸزٸپ جاتقانى تۋرالى پٸكٸر بار.
ەگەر بۇل راس بولسا, ساياسي پارتييا ٷشٸن مەسەلە كٷردەلٸ.
ٶيتكەنٸ سايلاۋ ناۋقانىندا بٸرنەشە داۋىس ەمەس, بٸر پارتييانىڭ بٸر داۋىسى ەستٸلۋٸ كەرەك.
ال ەر كٶشباسشى ەرتٷرلٸ باعىتقا تارتسا, سايلاۋشىنىڭ باسىندا بٸر عانا سۇراق قالادى: «بۇل پارتييانىڭ ناقتى پوزيتسيياسى قايسى?»
ەبليازوۆتىڭ قولداۋى: پليۋس پا, مينۋس پا?
«رەسپۋبليكا» ٷشٸن تاعى بٸر قىزىق فاكتور — مۇحتار ەبليازوۆتىڭ پارتيياعا قاتىستى ۇستانىمى.
ەبليازوۆ ٶز جاقتاستارىن «رەسپۋبليكاعا» داۋىس بەرۋگە شاقىردى. بٸر قاراعاندا, بۇل پارتييا ٷشٸن قوسىمشا ەلەكتورالدىق رەسۋرس بولۋى مٷمكٸن. بٸراق ساياساتتا ەر قولداۋدىڭ ٶز باعاسى بار.
ەگەر «رەسپۋبليكانىڭ» نەتيجەسٸ ەبليازوۆتىڭ قازاقستانداعى ىقپالىنىڭ كٶرسەتكٸشٸنە اينالسا, پارتييا ٷشٸن بۇل ەكٸۇشتى جاعداي. بٸر جاعىنان — قوسىمشا داۋىس. ەكٸنشٸ جاعىنان — پارتييانىڭ ساياسي دەربەستٸگٸنە قاتىستى جاڭا سۇراق.
حالىق پارتيياسى: قىزىل تٷس قالدى, جاڭا يدەيا قايدا?
سايلاۋ ناۋقانىندا نازار اۋداراتىن تاعى بٸر كٷش — قازاقستاننىڭ حالىق پارتيياسى.
باسشىلىق اۋىسقانىمەن, پارتييانىڭ نەگٸزگٸ ەلەكتوراتى مەن ساياسي بەينەسٸ تٷبەگەيلٸ ٶزگەرگەن جوق. رەبرەندينگ جاسالعانىمەن, بۇرىنعى يدەولوگييالىق ينەرتسييا سەزٸلەدٸ.
ەڭ باستى مەسەلە — پارتييا دەستٷرلٸ ەلەكتوراتىنا جاڭا ساياسي كٷن تەرتٸبٸن ۇسىنا الدى ما? ەزٸرگە جاۋاپ انىق ەمەس.
ەرتٸسباەۆتىڭ سىنى جەنە پارتييانىڭ ٶز داۋىسى
پارتييانىڭ نەگٸزگٸ سپيكەرلەرٸنٸڭ بٸرٸنە بۇرىنعى تٶراعا ەرمۇحامەت ەرتٸسباەۆ اينالدى.
الايدا ول سايلاۋالدى باعدارلامادان گٶرٸ ساياسي قارسىلاستارىنا ايتقان سىني پٸكٸرلەرٸمەن كٶبٸرەك ەستە قالۋدا.
سىن — ساياساتتىڭ بٸر بٶلٸگٸ. بٸراق سايلاۋشى قارسىلاستى سىناعان پارتييادان بۇرىن, ٶزٸنە نە ۇسىناتىنىن بٸلگٸسٸ كەلەدٸ.
ەگەر پارتييانىڭ باستى مەسسەدجٸ «ولار دۇرىس ەمەس» دەگەنگە تٸرەلسە, كەلەسٸ سۇراق اۆتوماتتى تٷردە تۋىندايدى: «ال سٸزدەر نە ۇسىناسىزدار?»
ٷش پارتييا, ٷش مەسەلە
قازٸرگٸ ناۋقاننىڭ وسى ٷش مىسالى ساياسي بەسەكەنٸڭ ماڭىزدى بٸر زاڭدىلىعىن كٶرسەتەدٸ.
«بايتاق» ٷشٸن باستى مەسەلە — ٸشكٸ جانجال مەن جاڭا ساياسي مازمۇننىڭ جەتٸسپەۋٸ.
«رەسپۋبليكا» ٷشٸن — كٶشباسشىلار تٶڭٸرەگٸندەگٸ داۋلى اقپاراتتىق فون جەنە كوممۋنيكاتسييالىق قاتەلٸكتەر.
قازاقستاننىڭ حالىق پارتيياسى ٷشٸن — دەستٷرلٸ ريتوريكادان جاڭا ساياسي كٷن تەرتٸبٸنە كٶشۋ قاجەتتٸلٸگٸ.
ەزٸرگە مۇنىڭ بەرٸ سايلاۋ نەتيجەسٸنە ەمەس, پارتييالاردىڭ ناۋقان كەزٸندەگٸ ەلسٸز تۇستارىنا جاسالعان تالداۋ عانا.
سايلاۋدا سوڭعى تٶرەشٸ — سايلاۋشى
بٸراق بٸر نەرسە انىق: ساياساتتا كەيدە پارتييانى قارسىلاسى ەمەس, ٶزٸنٸڭ بٸر اۋىز سٶزٸ, ٸشكٸ جانجالى نەمەسە ەسكٸرگەن ۇستانىمى سٷرٸندٸرەدٸ.
ال «بايتاقتىڭ» بايبالامى مەن ايداربەكتٸڭ ايىبى وسى ناۋقانداعى سونداي ساياسي ساباقتاردىڭ بٸرٸنە اينالۋى مٷمكٸن.
