قۇرىلتاي سپيكەرٸ ايبەك دەدەبايدىڭ تٶراعالىعىمەن ٶتكەن قازاقستان رەسپۋبليكاسى قۇرىلتايى بيۋروسىنىڭ وتىرىسىندا ٸ شاقىرىلىمداعى قۇرىلتايدىڭ قوعامدىق قابىلداۋدى اشۋ تۋرالى شەشٸم قابىلداندى, دەپ حابارلايدى dalanews.kz.
قوعامدىق قابىلداۋدىڭ جۇمىسىن ۇيىمداستىرۋ, دەپۋتاتتاردىڭ ازاماتتاردى قابىلداۋ تەرتٸبٸ جەنە قابىلداۋ كەستەسٸن قۇرىلتاي تٶراعاسىنىڭ ورىنباسارى, دەپۋتات دينارا زاكيەۆا تانىستىردى.
– قۇرىلتايدىڭ قوعامدىق قابىلداۋىنىڭ اشىلۋى مەملەكەت باسشىسىنىڭ «حالىق ٷنٸنە قۇلاق اساتىن مەملەكەت» قۇرۋ جٶنٸندەگٸ باستاماسىن ٸسكە اسىرۋ جولىنداعى ماڭىزدى قادام ەكەنٸن اتاپ ٶتكٸم كەلەدٸ. بۇل ازاماتتارمەن تٸكەلەي قارىم-قاتىناس ورناتۋعا, ولاردىڭ ٶتٸنٸشتەرٸ مەن ۇسىنىستارىن زەر سالىپ قاراۋعا, سونداي-اق قوعام مەن مەملەكەتتٸڭ تيٸمدٸ ٶزارا بايلانىس جاساۋىنا ارنالعان الاڭ بولماق, – دەدٸ دەپۋتات.
قۇرىلتاي تٶراعاسىنىڭ تاپسىرماسى بويىنشا قوعامدىق قابىلداۋدا دەپۋتاتتاردىڭ ازاماتتاردى قابىلداۋىن ۇيىمداستىرۋ جەنە ٶتكٸزۋ قاعيدالارى ەزٸرلەندٸ. تۇراقتى كوميتەتتەردٸڭ تٶراعالارى ٶز كوميتەتتەرٸ دەپۋتاتتارىنىڭ قابىلداۋىن ۇيىمداستىرۋدى قامتاماسىز ەتەدٸ.
دينارا زاكيەۆا دەپۋتاتتاردىڭ قابىلداۋ كەستەسٸ, سونداي-اق قابىلداۋدى ۇيىمداستىرۋ جەنە ٶتكٸزۋ قاعيدالارى بارلىق فراكتسييالارمەن جەنە كوميتەتتەرمەن كەلٸسٸلگەنٸن اتاپ ٶتتٸ. ازاماتتاردىڭ الدىن الا تانىسۋى ٷشٸن تيٸستٸ اقپارات قۇرىلتايدىڭ رەسمي سايتىندا ورنالاستىرىلادى.
قوعامدىق قابىلداۋدىڭ جۇمىسىن ٷيلەستٸرۋدٸ قۇرىلتاي دەپۋتاتتارى كونستانتين اۆەرشينگە, ايجان ايماعانوۆاعا جەنە شولپان كارينوۆاعا جٷكتەۋ ۇسىنىلدى.
ۆيتسە-سپيكەردٸڭ ايتۋىنشا, قابىلداۋدىڭ جۇمىسىن ٷيلەستٸرۋگە ۇسىنىلعان دەپۋتاتتاردى ٸرٸكتەۋ كەزٸندە ولاردىڭ كەسٸبي تەجٸريبەسٸ ەسكەرٸلگەن. كونستانتين اۆەرشين مەجٸلٸس دەپۋتاتى بولعان كەزەڭدە قوعامدىق قابىلداۋ جۇمىسىن ۇيىمداستىرۋ جەنە ٷيلەستٸرۋ تەجٸريبەسٸن جيناقتاعان. ايجان ايماعانوۆانىڭ قۇقىق قورعاۋ سالاسىندا, ال شولپان كارينوۆانىڭ ەلەۋمەتتٸك سالادا مول كەسٸبي تەجٸريبەسٸ بار.
سونىمەن قاتار, قۇرىلتاي دەپۋتاتىنىڭ قابىلداۋىنا بٸرنەشە تەسٸلمەن جازىلۋعا بولادى. اتاپ ايتقاندا, قۇرىلتايدىڭ رەسمي سايتى ارقىلى ەلەكتروندىق ٶتٸنٸش جولداۋ, جازباشا نەمەسە قولما-قول ٶتٸنٸش بەرۋ, سونداي-اق قوعامدىق قابىلداۋعا تٸكەلەي اۋىزشا جٷگٸنۋ قاراستىرىلعان.
قوعامدىق قابىلداۋدىڭ جۇمىسىن اعىمداعى جىلدىڭ 14 قىركٷيەگٸنەن باستاۋ جوسپارلانىپ وتىر. قورىتا ايتقاندا, قوعامدىق قابىلداۋدىڭ ٸسكە قوسىلۋى ازاماتتاردىڭ قۇرىلتاي دەپۋتاتتارىمەن تٸكەلەي بايلانىس ورناتۋىنا جەنە ٶزدەرٸن تولعاندىرعان مەسەلەلەر مەن ۇسىنىستارىن جەتكٸزۋٸنە مٷمكٸندٸك بەرەدٸ.
