قۇلسارىدا بالتا ۇستاعان جاسٶسپٸرٸم ەكٸ قاتارلاسىنا شابۋىل جاسادى. اتىراۋ وبلىسى دەنساۋلىق ساقتاۋ باسقارماسى قۇلسارى قالاسىنداعى №6 جالپى بٸلٸم بەرەتٸن مەكتەپتە بولعان وقيعاعا بايلانىستى پٸكٸر بٸلدٸردٸ, دەپ حابارلايدى Dalanews.kz.
وقيعا سالدارىنان 2009, 2010 جىلدارى تۋعان ەكٸ جاسٶسپٸرٸم مەديتسينالىق تەكسەرٸستەن ٶتكەن.
"زارداپ شەككەندەرگە العاشقى مەديتسينالىق كٶمەك كٶرسەتٸلٸپ, ولاردى تراۆماتولوگ دەرٸگەر قارادى. تەكسەرٸس بارىسىندا سىزاتتار مەن تەرٸاستى كٶگەرگەن جەرلەر انىقتالدى", - دەپ جازىلعان ۆەدومستۆو حابارلاماسىندا.
ناۋقاستارعا قاجەت ەم-دوم جاسالىپ, رەنتگەنولوگييا زەرتتەۋٸ جٷرگٸزٸلگەن. دەرٸگەرلەر ولاردى امبۋلاتورلىق ەم قابىلداۋعا جٸبەرگەن.
"قازٸر جاسٶسپٸرٸمدەردٸڭ ٶمٸرٸنە قاۋٸپ جوق", - دەدٸ دەرٸگەرلەر.
ايتا كەتەيٸك, 5 اقپاندا 102 ارناسىنا قۇلسارى قالاسىندا 10-سىنىپ وقۋشىسى قاتارلاستارىمەن جانجالدان كەيٸن ولارعا شابۋىل جاساپ, مەكتەپ اۋماعىنان بوي تاسالاعانى تۋرالى حابارلاما تٷسكەن.
وقيعا سالدارىنان ەكٸ وقۋشى جەڭٸل دەنە جاراقاتىن العان ەدٸ.
