اتىراۋ وبلىسىنىڭ قۇلسارى قالاسىندا 300-دەن اسا جەكە تۇرعىن ءۇي ءالى دە سۋ استىندا تۇر، - دەپ حابارلايدى Dalanews.kz.
توتەنشە جاعدايلار مينيسترلىگىنىڭ باسپا ءسوز قىزمەتى مالىمەتىنە سۇيەنسەك، ەلدى مەكەندە سۋ تاسقىنى بولعان ساتتەن باستاپ ق ر تجم قۇتقارۋشىلار كۇشىمەن 2564 ۇيدەن سۋ سورىلعان.
"جۇمىس تاۋلىك بويى جالعاسىپ جاتىر. ءقازىردىڭ وزىندە 3 ميلليون تەكشە مەتردەن اسا سۋ سورىلدى"، - دەپ جازىلعان ۆەدومستۆو مالىمەتىندە.
ايتا كەتەيىك، بۇعان دەيىن اتىراۋ وبلىسىنىڭ توتەنشە جاعداي جونىندەگى جەدەل شتابى وكىلدەرى قۇلسارى قالاسىنداعى ءومىر تاسقىننان كەيىن بىرتىندەپ قالپىنا كەلە باستاعانىن مالىمدەگەن بولاتىن.
ۆەدومستۆو مالىمەتىنشە، قالالىق ازىق-تۇلىك دۇكەندەرى مەن سۋپەرماركەتتەر، سونداي-اق، قوعامدىق كولىكتەر ءوز قىزمەتىن قايتا باستاعان.
سونىمەن قاتار، قۇزىرلى ورگاندار سۋ تاسقىنىنان زارداپ شەككەندەرگە كومەك كورسەتۋ ماسەلەسىن قاراستىرىپ جاتقانى ايتىلدى.
"قازىرگى ۋاقىتتا جەدەل شتاب سۋ تاسقىنى كەزىندە سۋ باسقان اۋماقتاردى قۇرعاتۋمەن اينالىسىپ جاتىر. زاڭ بويىنشا، تابيعي سيپاتتاعى توتەنشە جاعداي سالدارىنان ازاماتتارعا كەلتىرىلگەن شىعىندى وتەۋ ماقساتىندا ارنايى كوميسسيا قۇرىلادى"، - دەگەن ەدى جىلىوي اۋدانى اكىمىنىڭ ورىنباسارى گۇلنافيس ايشۋاقوۆا.
