اتىراۋ وبلىسى جىلىوي اۋدانى قۇلسارى قالاسىنداعى "بولاشاق" ىقشام اۋدانىندا جاڭا ٷيلەردٸڭ قابىرعالارى جارىلىپ جاتىر. بۇل – بىلتىر كٶكتەمدە سۋ تاسقىنى كەزٸندە زارداپ شەككەندەرگە سالىنعان ٷيلەر,- دەپ حابارلايدى Dalanews.kz "ازاتتىق راديوسىنا" سٸلتەمە جاساپ.
ٷيلەردٸڭ قابىرعاسى جارىلعانى تۋرالى تۇرعىندار 11 ناۋرىزدا شاعىمدانا باستادى. قۇلسارى تۇرعىنى زاميرا الاقاەۆا ٷيٸنٸڭ قابىرعاسىنداعى جارىقشانى 8 ناۋرىزدا بايقاعان.
"سول كٷنٸ تٷستەن كەيٸن مەردٸگەر كومپانيياعا حابارلاستىم. ولار ماماندار كەلەدٸ دەگەنٸمەن, ەشكٸم كەلمەدٸ. تەك 9 ناۋرىز, كەشكٸ ساعات 18:00-دە ەكٸمدٸككە ٶزٸم بارىپ شاعىم ايتقان سوڭ عانا كەلدٸ", – دەيدٸ الاقاەۆا.
بىلتىرعى سەۋٸردەگٸ تاسقىندا قۇلسارىداعى كٶپقاباتتى ٷيدٸڭ بٸرٸنشٸ قاباتىنا سۋ كٸرٸپ, جەرتٶلەسٸنە سۋ تولعان. سونىڭ سالدارىنان زاميرا الاقاەۆانىڭ پەتەرٸ كٶكتەپ, يٸستەنٸپ, تۇرۋعا جارامسىز بولىپ قالعان. ەكٸمدٸك وعان "بولاشاق" ىقشام اۋدانىنان باسپانا بەرٸپ, 2024 جىلى كٷزدە ٷيگە كٸرگەن ەدٸ.
ەسەل دٷسٸپقاليەۆانىڭ ٷيٸندە دە جارىقتار 8 ناۋرىزدا پايدا بولعان. ول ٷيٸ بٸر كٷنٸ قۇلاپ, استىندا قالامىز با دەپ قاۋٸپتەنەدٸ. "كٷن سايىن بٸر جارىق پايدا بولادى" دەيدٸ ەسەل.
جىلىوي اۋدانى ەكٸمٸنٸڭ ورىنباسارى گٷلنافيز ايشۋاقوۆا قۇرىلىس باسقارماسى "بولاشاقتاعى" ٷيلەردٸڭ قابىرعاسى جارىلعانىنان حاباردار ەكەنٸن جەنە ىقشام اۋداندا تەكسەرۋ جۇمىستارى جٷرٸپ جاتقانىن حابارلادى. ال وبلىستىق قۇرىلىس باسقارماسىنىڭ باسشىسى نۇربەرگەن قۇسايىنوۆتىڭ ايتۋىنشا, جاعدايدى زەرتتەۋ ٷشٸن ارنايى ماماندار جٸبەرٸلگەن.
"بٷگٸن ورىنباسارىمدى جٸبەرٸپ, مەسەلەمەن تولىق تانىسىپ شىقتى. قازٸر مەردٸگەر مەكەمەلەر دە سول جەردە. التى ٷيدٸڭ قابىرعاسىنان جارىق بايقالدى. الدىن الا قورىتىندىعا سەيكەس, نەگٸزگٸ سەبەپ – قاردىڭ شامادان تىس جاۋۋى جەنە سەپتيكتەردٸڭ تولىپ كەتۋٸ. قار سۋى تازارتىلماعاندىقتان, ٸرگەتاسقا سٸڭٸپ, ٷيلەردٸڭ شٶگۋٸنە ەسەر ەتكەن. قازٸرگٸ ۋاقىتتا تەحنيكالىق زەرتتەۋ جٷرگٸزٸلٸپ جاتىر. ەگەر ٸرگەتاسقا زاقىم كەلمەسە, جٶندەۋ جۇمىستارىن جٷرگٸزەمٸز. بٸر اپتا ٸشٸندە قورىتىندى شىعارىپ, جٶندەۋدٸ باستايمىز", – دەدٸ ول 11 ناۋرىزدا.
جارىقتار پايدا بولعان ٷيلەردٸ "ارمانداستار-اتىراۋ" (بٸر ٷي) "قازكومسەرۆيس" (بٸر ٷي), "اBC-ليميتەد" (تٶرت ٷي) كومپانييالارى سالعانى ايتىلدى.
"وسى ٷش كومپانيياعا قازٸر ٶز قاراجاتى ەسەبٸنەن ٷيلەردٸ قالىپقا كەلتٸرۋ جەنە تەحنيكالىق زەرتتەۋ جٷرگٸزۋ تۋرالى حات جولداپ جاتىرمىز. جٶندەۋ قاجەت بولسا, كەپٸلدٸك مەرزٸمٸ بويىنشا جٷزەگە اسىرۋ تۋرالى دا جازىپ وتىرمىز", - دەيدٸ وبلىستىق قۇرىلىس باسقارماسى باسشىسى قۇسايىنوۆ.
ەسكە سالايىق, اتىراۋ وبلىسىنىڭ قۇلسارى قالاسى - بىلتىر سۋ تاسقىنى كەزٸندە قاتتى زارداپ شەككەن ٶڭٸرلەردٸڭ بٸرٸ. 5 سەۋٸردە قالانى سۋ باسىپ, ٷش مىڭعا جۋىق ٷيگە زالال كەلدٸ. سۋ تاسقىنىنان كەيٸن باسپاناسىز قالعان تۇرعىندارعا ٶتەماقى تٶلەۋ مەسەلەسٸ تۋىندادى. ەكٸمدٸك ەر شارشى مەترگە 200-240 مىڭ تەڭگە كٶلەمٸندە ٶتەماقى تٶلەۋدٸ ۇسىنسا, تۇرعىندار بۇل سومانى از ساناپ, 400 مىڭ تەڭگەگە دەيٸن كٶتەرۋدٸ تالاپ ەتتٸ.
بۇعان دەيٸن "قازاقستان حالقىنا" قورىنىڭ باسپاسٶز قىزمەتٸ قۇلسارى قالاسىندا 80 ٷيدٸڭ قۇرىلىسىنا 2 ملرد 640 ملن تەڭگە بٶلٸنگەنٸن مەلٸمدەگەن. مۇندا بٸر ٷيدٸ سالۋعا 31 ملن 975 مىڭ تەڭگە بولاتىنى ايتىلعان.
تاسقىننان كەيٸن "بولاشاق" ىقشام اۋدانىندا 100 ٷي سالىندى. ەر ٷيدٸڭ اۋدانى – 100 شارشى مەتر.
