قۇلىبايەۆتارعا تيەسىلى بولعان مۇناي تەرمينالى مەملەكەتكە قايتتى

كوركەم الدابەرگەنوۆا 04 ماۋ. 2024 09:56 1555

قۇلىبايەۆتارعا تيەسىلى بولعان مۇناي تەرمينالى مەملەكەتكە قايتتى، - دەپ حابارلايدى Dalanews.kz باس پروكۋراتۋراعا سىلتەپ.

الماتى قالاسى پروكۋرورىنىڭ تالاپ-ارىزى بويىنشا اقتاۋ حالىقارالىق تەڭىز ساۋدا پورتىنىڭ اكۆاتورياسىندا ورنالاسقان، قۇنى 66 ملن اقش دوللارى بولاتىن اۋدانى 134 گەكتار مۇناي تەرمينالى مەملەكەت مەنشىگىنە قايتارىلدى.

تالاپ-ارىز اسقار قۇلىبايەۆقا تيەسىلى كومپانيانىڭ شەتەلدىك ينۆەستوردىڭ مەنشىگىن زاڭسىز الىپ قويۋى ناتيجەسىندە كەلتىرىلگەن زالالدى وتەۋ ماقساتىندا بەرىلگەن.

2011 جىلى مۇناي تەرمينالى قۇلىبايەۆ كومپانياسىنىڭ مەنشىگىنە الىنعانى انىقتالعان.

2024 جىلدىڭ 26 اقپانىندا ماڭعىستاۋ وبلىسى مامانداندىرىلعان اۋدانارالىق ەكونوميكالىق سوتىنىڭ شەشىمىمەن الماتى قالاسى پروكۋرورىنىڭ تالاپ-ارىزى قاناعاتتاندىرىلدى، مۇناي تەرمينالى مەملەكەت مەنشىگىنە قايتارىلدى، سوت اكتىسى زاڭدى كۇشىنە ەندى.


ۇسىنىلعان
سوڭعى جاڭالىقتار