قازاقستاندىق وليگارح, ەكس-پرەزيدەنت نۇرسۇلتان نازارباەۆتىڭ كٷيەۋ بالاسى تيمۋر قۇلىباەۆ لوندونداعى زەۋلٸم ٷيٸن 34,7 ميلليون فۋنت ستەرلينگكە ساتتى, دەپ حابارلايدى Dalanews.kz.
“بايلىعى 5 ميلليارد فۋنت ستەرلينگكە باعالانعان قازاقستاندىق وليگارح لوندونداعى ٷيٸن نەبەرٸ 35 ميلليون فۋنت ستەرلينگكە North Wind Capital ينۆەستيتسييالىق كومپانيياسىنا ساتتى”, - دەپ جازادى Financial Times باسىلىمى.
ماتەريالدا ٷيدٸڭ باي-اۋقاتتىلار تۇراتىن مەيفەر اۋدانىنداعى Upper Grosvenor street 41 مەكەنجايىندا ورنالاسقانى ناقتىلانعان. ساتىپ الۋشى - Deutsche Bank-تٸڭ جىلجىمايتىن مٷلٸك سالاسى بويىنشا ەرەكشە جاعداي جٶنٸندەگٸ بٶلٸمنٸڭ بۇرىنعى ديرەكتورى بەن ۋيليامس نەگٸزٸن قالاعان North Wind Capital ينۆەستيتسييالىق كومپانيياسى. ولار ٷيدٸ قايتا قۇرۋدى جوسپارلاپ وتىر.
باسىلىمنىڭ جازۋىنشا, قۇلىباەۆ اپپەر-گروسۆەنور-ستريت مەكەنجايىندا بوي كٶتەرگەن كٶرشٸ ٷيلەردٸ دە ساتۋى مٷمكٸن. ولار بۋكينگەم سارايىنان بٸرنەشە مينۋتتىق جەردە ورنالاسقان. وليگارح بۇلارعا جيىرما جىلعا جۋىق ۋاقىت يەلٸك ەتٸپ كەلەدٸ. وسى ۋاقىت ٸشٸندە ول ساتقان ٷيلەر نەگٸزٸنەن بوس تۇرعان-مىس.
ەسكە سالايىق, بۇعان دەيٸن مەجٸلٸس دەپۋتاتى ەرمۇرات باپي قۇزىرلى ورگاندار تيمۋر قۇلىباەۆتىڭ شەتەلدەگٸ اكتيۆتەرٸن قايتارۋمەن اينالىسىپ جاتقانىن مەلٸمدەگەن ەدٸ.
"شىنىمدى ايتسام, اكتيۆتەردٸ قانداي ەدٸسپەن قايتارىپ جاتقانىنان بەيحابارمىن. ەكٸنشٸدەن, دەپۋتات رەتٸندە پرەزيدەنت جٷرگٸزٸپ وتىرعان ساياساتقا زييان كەلتٸرۋٸم مٷمكٸن. ەڭگٸمە ەسكٸ قازاقستان ٶكٸلدەرٸنٸڭ جان-جاعىنداعى ادامدارعا, ياعني نۇرسۇلتان نازارباەۆقا قاتىستى بولسا, پرەزيدەنت توقاەۆ پەن ەكس-پرەزيدەنت اراسىندا كەيبٸر نيۋانستار, كەلٸسٸمدەر بولعان شىعار. نازارباەۆ مىرزا 2019 جىلى 19 ناۋرىزدا كەتكەن كەزدە سول كەزدە بٸر كەلٸسٸمدەر بولعان شىعار. ونىڭ ٷستٸنە رەسەيدٸڭ, پۋتينننٸڭ ىقپالىن دا ەسكەرۋ كەرەك", - دەيدٸ ەرمۇرات باپي Elmedia-عابەرگەن سۇحباتىندا.
سونىمەن قاتار, ەرمۇرات باپي باس پروكۋرور بەرٸك اسىلوۆتىڭ وتستاۆكاعا كەتۋ نە كەتپەۋٸ تۋرالى ويىن ايتتى.
"باس پروكۋروردى وتستاۆكاعا جٸبەرۋ نەمەسە تاعايىنداۋ پرەزيدەنتتٸڭ قۇزىرىندا. تٸپتٸ پارلامەنت باس پروكۋروردى تاعايىنداۋعا ارالاسپايدى. سوندىقتان ەل پرەزيدەنتٸ باتىل ەرەكەت ەتۋٸ كەرەك. ەڭ ماڭىزدى ساياسي شەشٸم بولۋى كەرەك. ال باس پروكۋروردىڭ جۇمىسىنا ايتىلار سىن كٶپ. مەندە باس پروكۋراتۋرا تاراپىنان جارييالاۋعا جاتپايتىن ٸستەر بار دەگەن اقپارات بار. بٸراق اكتيۆتەردٸ قايتارۋ بويىنشا كوميتەت باس پروكۋرورعا باعىناتىندىقتان قوعام تاراپىنان سىن باس پروكۋرورعا ايتىلادى. دەپۋتاتتار اكتيۆتەردٸ قايتارۋ تۋرالى زاڭنىڭ باسى-قاسىندا جٷرگەندٸكتەن, ول زاڭنىڭ ورىندالۋىن دا قاداعالاۋ كەرەكپٸز. تٸپتٸ باس پروكۋراتۋرادان ەسەپ سۇراۋىمىز كەرەك. بٸراق ارتىق اقپارات جوق, بەرٸ جاسىرىن ٸستەلٸپ جاتىر. اكتيۆتەردٸ قايتارۋعا كٸم ٶز ەركٸمەن كەلٸستٸ? قانشا اكتيۆ قايتارىلدى? مۇنىڭ بەرٸ حالىقتان جاسىرىن ۇستالىپ وتىر", - دەيدٸ دەپۋتات.
