پرەزيدەنت مەملەكەتتٸك ناگرادالار, جوعارى ەسكەري جەنە ارناۋلى اتاقتار, سىنىپتىق شەندەر تاپسىرۋ رەسٸمٸنە قاتىسىپ, قازٸرگٸ تاڭدا ەسكەردٸڭ قانشالىق ماڭىزدى ەكەنٸن ايتتى, - دەپ حابارلايدى Dalanews.kz.
مەملەكەت باسشىسى – قازاقستان قارۋلى كٷشتەرٸنٸڭ جوعارعى باس قولباسشىسى قاسىم-جومارت توقاەۆ جيىنعا قاتىسۋشىلاردى وتان قورعاۋشى كٷنٸمەن جەنە الدا كەلە جاتقان جەڭٸس كٷنٸ مەرەكەسٸمەن قۇتتىقتاپ, وسى ەكٸ مەيرام جاۋىنگەرلٸك دەستٷردٸڭ ساباقتاستىعىن پاش ەتەتٸنٸن, باتىر بابالارىمىزدىڭ داڭقتى جولىن قازٸر ٶسكەلەڭ ۇرپاق جالعاستىرىپ كەلە جاتقانىن اتاپ ٶتتٸ.
"بٷگٸندە ايبىندى ارمييامىز – ەلدەگٸ تۇتاستىق پەن تىنىشتىقتىڭ مىقتى قالقانى. قۋاتتى ەسكەرٸمٸز بەيبٸتشٸلٸك پەن بەرەكەلٸ ٶمٸردٸ قاس قاقپاي كٷزەتٸپ تۇر. ولار قاي كەزدە دە قاستەرلٸ وتانىمىزدى قورعاۋعا دايىن. ەرلٸك مايداندا عانا جاسالمايدى. ەرلٸككە بەيبٸت زاماندا دا ورىن بار. بيىل بٸز سوڭعى 80 جىلداعى ەڭ جويقىن تاسقىنعا تاپ بولدىق. ەلگە قاتەر تٶنگەن سەتتە ساربازدارىمىز الدىڭعى شەپتەن تابىلدى. ۇلتتىق ۇلان, ٸشكٸ ٸستەر مينيسترلٸگٸ, ۇلتتىق قاۋٸپسٸزدٸك كوميتەتٸ, تٶتەنشە جاعدايلار مينيسترلٸگٸ جەنە مەملەكەتتٸك كٷزەت قىزمەتٸنٸڭ جەكە قۇرامى انتقا ادال بولۋدىڭ ٷلگٸسٸن كٶرسەتتٸ. الاپات تاسقىنعا تٶتەپ بەرۋ ٷشٸن 9 مىڭنان استام ەسكەري قىزمەتشٸ جۇمىلا ەڭبەك ەتتٸ. مىڭنان استام تەحنيكا جەتكٸزٸلدٸ. سىن ساعاتتا حالقىمىزدىڭ اسىل قۇندىلىقتارى انىق بايقالادى. وسى ورايدا سولتٷستٸك قازاقستان وبلىسىندا اپاتقا قارسى كٷرەسكەن 300 ساربازدىڭ ەڭبەگٸن ەرەكشە اتاپ ٶتكٸم كەلەدٸ. ولار كٷنٸ-تٷنٸ بٶگەن سالىپ, قالانى قارعىن سۋدان قۇتقارۋعا اتسالىستى. جەرگٸلٸكتٸ تۇرعىندار بۇل ساربازدارعا ايرىقشا ريزا بولدى, ولاردى زور قۇرمەتپەن شىعارىپ سالدى. مٸنە, حالىق پەن ارمييانىڭ مىزعىماس تۇتاستىعى دەگەنٸمٸز – وسى. مۇنداي مىسالدار از ەمەس", – دەدٸ پرەزيدەنت.
قاسىم-جومارت توقاەۆ جەڭٸس كٷنٸن جاقىنداتۋعا اتسالىسقان مايدانگەرلەر مەن تىل ەڭبەككەرلەرٸنە ەرقاشان قۇرمەت كٶرسەتٸلەتٸنٸن ايتتى. وسى رەتتە ارداگەرلەرگە مەرەكەگە وراي جىل سايىن قوسىمشا تٶلەماقى بەرٸلەتٸنٸن, ال بيىل ونىڭ كٶلەمٸ ٷش ميلليون تەڭگەگە دەيٸن ٶسكەنٸن جەتكٸزدٸ. سونىمەن قاتار, ٶزٸنٸڭ باستاماسىمەن بيىلدان باستاپ "ايبىن" وردەنٸنٸڭ ٷش دەرەجەسٸ داڭقتى باتىرلارىمىز – ساعادات نۇرماعامبەتوۆتٸڭ, باۋىرجان مومىشۇلىنىڭ جەنە راقىمجان قوشقارباەۆتىڭ اتىمەن اتالاتىنىن ەسكە سالىپ, ۇلت پەرزەنتتەرٸنٸڭ باتىلدىعى مەن باتىرلىعى بٷگٸنگٸ جەنە بولاشاق ۇرپاق ٷشٸن ٷلگٸ-ٶنەگە بولاتىنىنا نازار اۋداردى.
مەملەكەت باسشىسىنىڭ ايتۋىنشا, گەووساياسي تۇراقسىزدىق بەلەڭ العان قازٸرگٸ جاعدايدا مىقتى ەرٸ دايىندىعى ساقاداي ساي ەسكەردٸڭ ماڭىزى ايتارلىقتاي ارتا تٷستٸ.
"بٸزدٸڭ ەسكەري قىزمەتشٸلەرٸمٸز بۇۇ اياسىنداعى تٷرلٸ بٸتٸمگەرلٸك وپەراتسييالارعا قاتىسىپ, ٶزدەرٸنٸڭ كەسٸبيلٸگٸ مەن جوعارى دەڭگەيدەگٸ جاۋىنگەرلٸك ماشىعىن كٶرسەتٸپ كەلەدٸ. جۋىردا قازاقستان گولان جوتالارىنداعى ميسسيياسىن دەربەس ورىنداۋ جٶنٸندەگٸ بٸرٸككەن ۇلتتار ۇيىمىنىڭ مانداتىنا العاش رەت يە بولدى. سوڭعى جىلدارى ەلەم ەلدەرٸنٸڭ ەسكەري قۋاتى تۋرالى رەيتينگتەگٸ ورنىمىز ەدەۋٸر جاقساردى. بۇل ەسكەرٸمٸزدٸڭ دايىندىعى جوعارى ەكەنٸن ەرٸ ٷيلەسٸمدٸ ەرەكەت ەتەتٸنٸن بٸلدٸرەدٸ. قازاقستان جەر-جاھانعا ٶزٸن بەيبٸت ەل رەتٸندە تانىتتى. بٸز بارلىق مەملەكەتپەن دوستىق قاتىناس ورناتتىق. كەز كەلگەن شيەلەنٸستٸ سىندارلى ديالوگ ارقىلى شەشۋ كەرەك دەپ ەسەپتەيمٸز. بٸراق ارقانى كەڭگە سالىپ, قامسىز وتىرۋعا بولمايدى. قۋاتتى ەسكەرٸمٸز تٷرلٸ قاتەرگە ساقاداي ساي تۇرۋعا تيٸس. مىقتى ەسكەر – ەلدٸكتٸڭ تٸرەگٸ", – دەدٸ پرەزيدەنت.
قاسىم-جومارت توقاەۆ قازاقستاننىڭ ايبىندى ارميياسى كەسٸبي تۇرعىدان بٸلٸكتٸ ەرٸ زامانعا ساي وزىق بولۋى ٷشٸن قارۋلى كٷشتەرٸمٸزدٸ ودان ەرٸ نىعايتۋ جۇمىستارى جالعاساتىنىن جەتكٸزدٸ.
"كٷنٸ كەشە عانا ەلٸمٸزدە جاڭا اۆياتسييا بازاسى اشىلدى. بۇل – ۇلتتىق قورعانىس جٷيەسٸنٸڭ ەلەۋەتٸ ارتا تٷستٸ دەگەن سٶز. بٸز ارمييانىڭ بەدەلٸن كٶتەرۋگە ايرىقشا مەن بەرەمٸز. وتان قورعاۋ – بارشامىزعا ورتاق پارىز. مۇنى, ەسٸرەسە, ٶسكەلەڭ ۇرپاق تەرەڭ تٷسٸنگەنٸ ابزال. مەملەكەت جاس ساربازدارعا جان-جاقتى قولداۋ كٶرسەتٸپ جاتىر. ولارعا ارنايى بٸلٸم گرانتتارى بٶلٸنە باستادى. نەسيەنٸ ٶتەۋ مەرزٸمٸ كەيٸنگە شەگەرٸلدٸ. ەندٸ ارمييادا جٷرٸپ, ناقتى ماماندىق الۋعا بولادى. "ەر جٸگٸتكە جاراسار, قولىنداعى نايزاسى" دەپ ەيگٸلٸ بۇقار جىراۋ باتىرلىق پەن ەرلٸكتٸ ەرەكشە دەرٸپتەگەن. شىن مەنٸندە, ەسكەر – مەملەكەتتٸڭ اسا ماڭىزدى سيمۆولى. مەن ساربازدارىمىزدىڭ جاۋىنگەرلٸك رۋحى جوعارى بولعانىن ماقتان ەتەمٸن", – دەدٸ مەملەكەت باسشىسى.
