پاندەميا كەزەڭىندە وزگەرىپ جاتقان قاجەتتىلىكتەرگە جەدەل بەيىمدەلە وتىرىپ، قتج كومپانيانىڭ قارجىلىق تۇراقتىلىعى ماسەلەلەرىن شەشۋدى جانە وپەراسيالىق قىزمەتتىڭ تيىمدىلىگىن ارتتىرۋ بويىنشا جۇمىستى جالعاستىرۋدا.

«قتج» ۇك» اق قارجىلىق تاۋەكەل ايماعىندا بولىپ، قارىز شۇڭقىرىنان شىعۋ جانە كومپانيانىڭ قارجىلىق تۇراقتىلىعىن قامتاماسىز ەتۋ ءۇشىن بارلىق كۇش-جىگەرىن جۇمسادى. ق ر ۇكىمەتى مەن «سامۇرىق-قازىنا» قورىنىڭ قولداۋىمەن بورىش جۇكتەمەسىن وڭتايلاندىرۋعا باعىتتالعان ءبىرقاتار شارالار ىسكە اسىرىلدى.

ۇلتتىق تاسىمالداۋشىنىڭ رەسمي دەرەكتەرىنە قاراعاندا، بۇگىنگى كۇنى تۇراقتى  ۆاليۋتاداعى قارىزداردىڭ ۇلەسى  01.11.2020 ج.جاعداي بويىنشا 35،6% - عا دەيىن تومەندەدى، الايدا، كومپانيادا اتاپ وتكەندەي، بۇل ءالى شەك ەمەس، ويتكەنى تۇراقتى ۆاليۋتاداعى ءتۇسىمنىڭ ۇلەسى 30% - دى قۇرايدى (2020 جىلعى باعالاۋ بويىنشا). سوندىقتان كومپانيا بورىشىن قايتا قۇرىلىمداۋ بويىنشا جۇمىس جالعاساتىن بولادى.

كرەديتورلىق بەرەشەككە كەلەتىن بولساق، 2020 جىلدىڭ 10 ايىندا ول 34% - عا تومەندەدى. بۇل جاعدايدا كرەديتورلىق بەرەشەك نولگە دەيىن ازايادى. ءوز سۇحباتتارىنىڭ بىرىندە كومپانيا باسشىسى ساۋات مىڭبايەۆ قتج وپەراسيالىق جوسپاردا تولەمگە قابىلەتتى كومپانيا بولىپ تابىلاتىنىن اتاپ ءوتتى.

وپەراسيالىق جاقسارتۋلارعا قتج قۇرىلىمىنا كىرەتىن بارلىق كومپانيالاردىڭ اقشا اعىندارىن ورتالىقتاندىرۋ، كونتراگەنتتەردىڭ شارتتىق مىندەتتەمەلەردى ورىنداۋ مونيتورينگىنىڭ فورماتىن قايتا قاراۋ، جۇك ۆاگوندارىن جەكە وپەراسياعا بەرۋ ەسەبىنەن قول جەتكىزىلدى.

«سامۇرىق-قازىنا» قورىنىڭ تاپسىرماسى بويىنشا 2019 جىلدىڭ ءبىرىنشى توقسانىندا بارلىق ۆاگوندار بۇرىن قول قويىلعان ۇزاق مەرزىمدى كەلىسىمشارتتار بويىنشا جالعا الىندى. ءبىراق شارتتاردى قايتا قاراۋمەن، باعا ساياساتىن وزەكتەندىرە وتىرىپ تەك ارنايى جىلجىمالى قۇرام عانا جالداۋدا قالدى.

جاڭا فورماتتاعى وپەراتور

وسىلايشا، «قازتەمىرترانس» اق ءوزىنىڭ وپەراتورلىق قىزمەتىن جاڭا فورماتتا قايتا باستادى. ۆاگونداردى ءوز بەتىنشە بولە باستاعان «قازتەمىرترانس» اق كليەنتتەردەن تۇسەتىن تولەمدەردىڭ ءتۇسۋىن باقىلاۋدى 100%-دىق الدىن الا تولەۋگە كوشۋمەن ارتتىردى.
العاشقى جىلى «قازتەمىرترانس» اق ۆاگون پاركىنىڭ تيىمدىلىگى مەن تابىستىلىعىن 30% - عا دەيىن ارتتىرىپ، بوس ءجۇرىس كوەففيسيەنتىن تومەندەتىپ، ۇستەمە شىعىستاردى وڭتايلاندىردى.

بۇل جۇيەلى ءتاسىل مەن كليەنتكە باعدارلانۋدىڭ، بيزنەس-پروسەستەردى وڭتايلاندىرۋ مەن سيفرلاندىرۋدىڭ قابىلدانعان ستراتەگياسىنىڭ ارقاسىندا مۇمكىن بولدى.

«قتج» ۇك» اق شكج اج (رەسپۋبليكاىشىلىك قاتىناستاعى شارتتىق جانە كوممەرسيالىق جۇمىستى ەسەپكە الۋدىڭ اۆتوماتتاندىرىلعان جۇيەسى)   IT-جۇيەسىمەن پىسىقتالىپ ينتەگراسيالانعان «ستج-كەشەن» ىت-جۇيەسى مەنەدجەرلەردىڭ جۇمىسىن ەداۋىر جەدەلدەتتى جانە جەڭىلدەتتى، كليەنتتەر ءۇشىن ىڭعايلىلىق پەن جىلدامدىقتى قامتاماسىز ەتتى. مىسالى، «ستج» - دا قالىپتاستىرىلعان جەدەلحاتتار ولاردى اۆتوماتتى تۇردە  شكج اج - عا، سودان كەيىن «قتج-جۇك تاسىمالى» ج ش س تاۋار كاسسالارىنا جىبەرۋگە مۇمكىندىك بەرەدى. بۇل ساناۋلى مينۋتتاردا جۇك جونەلتۋشىگە كۇتپەي-اق تاسىمالداۋدى رەسىمدەۋگە رۇقسات الۋعا مۇمكىندىك بەرەدى.

كليەنت وپەراتور ءتاريفىنىڭ مولشەرلەمەسىن ءوز بەتىنشە ەسەپتەي الادى، ۆاگونداردىڭ ورنالاسۋىن قاداعالاي الادى، الدىن الا تولەم شوتتارىن، ورىندالعان جۇمىستار اكتىلەرىن الا الادى، سونداي-اق ەسق پايدالانۋ ارقىلى كليەنتتىڭ جاڭادان قۇرىلعان جەكە كابينەتىندە قۇجاتتاردىڭ تۇپنۇسقالارىمەن جانە قولدارىمەن الماسادى.
قازىرگى ۋاقىتتا رەسپۋبليكاىشىلىك قاتىناستا قاعازسىز تەحنولوگيا بويىنشا ەلەكتروندىق تاسىمالداۋ قۇجاتتارىنىڭ ورتاشا تاۋلىكتىك رەسىمدەلۋى مەن كرەديتتەلۋىنىڭ پايىزى تاسىمالداۋ قۇجاتتارىنىڭ جالپى سانىنىڭ 94% - دان استامىن قۇرايدى. بۇل رەتتە «قازتەمىرترانس» اق 2019 جىلى شامامەن 10 ميلليون تەڭگەنى ۇنەمدەدى.

وتىندى ۇنەمدەۋ

كومپانيانىڭ جالپى قارجىلىق ناتيجەسى ءۇشىن وڭ ناتيجە لوكوموتيۆ شارۋاشىلىعىندا رەسۋرس ۇنەمدەۋ ءىس-شارالارىن ەنگىزۋ ەسەبىنەن وتىن مەن ەلەكتر ەنەرگياسىنا ارنالعان شىعىنداردى وڭتايلاندىرۋ بولىگىندە قابىلدانعان شارالاردان كۇتىلەدى.
لوكوموتيۆ شارۋاشىلىعى ەلەكتر ەنەرگياسى مەن ديزەل وتىنىنىڭ ەڭ ءىرى تۇتىنۋشىسى بولىپ تابىلادى، سوندىقتان تەمىرجول كولىگىندە ەنەرگيا تيىمدىلىگىن ارتتىرۋدىڭ نەگىزگى باعىتى جىلجىمالى قۇرامنىڭ وتىن تۇتىنۋىن قىسقارتۋ بولىپ تابىلادى.

«قتج-جۇك تاسىمالى» ج ش س لوكوموتيۆ پاركى جوعارى دالدىكتى باقىلاۋ-ولشەۋ قۇرالدارىمەن جابدىقتالعان. اسپاپتاردىڭ كورسەتكىشتەرى GPRS بايلانىس ارنالارى ارقىلى ەدت ابج ورتالىق سەرۆەرىنە جىبەرىلەدى. ءاربىر جابدىقتالعان ەدت لوكوموتيۆ ابج دەرەكتەرى مەن پارامەترلەرىنە ونلاين قول جەتكىزە وتىرىپ، وتىن شىعىنىنا باقىلاۋ جۇرگىزىلەدى. جۇيە ديزەل وتىنىن ماقساتسىز پايدالانۋ ىقتيمالدىعىن ازايتادى.

2020 جىلدىڭ 10 ايىنىڭ قورىتىندىسى بويىنشا «قتج-جۇك تاسىمالى» ج ش س ديزەل وتىنىنىڭ مەنشىكتى شىعىنىن تومەندەتىپ، 12،8 مىڭ توننادان استام ۇنەمدەدى. اقشالاي ماندە بۇل شامامەن 2،6 ملرد. تەڭگە.

اقىلدى جوندەۋ جۇمىستارى

كومپانيادا اۆتوماتتاندىرۋ جانە جول شارۋاشىلىعىنا جاڭا تەحنولوگيالاردى ەنگىزۋ ەسەبىنەن ايتارلىقتاي ۇنەمدەۋگە قول جەتكىزۋ جوسپارلانىپ وتىر. «سيفرلىق قازاقستان» مەملەكەتتىك باعدارلاماسى شەڭبەرىندە «ماگيسترال» ابج ءموبيلدى دياگنوستيكالىق قۇرالدارىن ەنگىزۋ بويىنشا جوبا ىسكە اسىرىلۋدا. جوبا جولدىڭ اقاۋلىقتارى مەن رەلستەردىڭ اقاۋلارىن ۋاقتىلى انىقتاۋ، سونداي-اق جولدىڭ ناقتى جاعدايى بويىنشا جوندەۋگە كوشۋ ءۇشىن جولدىڭ كەشەندى دياگنوستيكاسىن جۇرگىزۋ ەسەبىنەن پوەزدار قوزعالىسىنىڭ قاۋىپسىزدىك دەڭگەيىن ارتتىرۋعا مۇمكىندىك بەرەدى.

قازىرگى ۋاقىتتا ماگيسترالدىق جەلىلەردىڭ ينفراقۇرىلىمىن دياگنوستيكالاۋدى 6 بىرلىك جاڭا ءموبيلدى دياگنوستيكالىق كەشەندەر (مدك) جۇرگىزەدى. دياگنوستيكا دەرەكتەرىن وڭدەۋ پروسەستەرىن اۆتوماتتاندىرۋ جانە جول شارۋاشىلىعى ينفراقۇرىلىمى وبەكتىلەرىنىڭ جاي-كۇيىن باقىلاۋ جىلدامدىعىن ارتتىرۋ ەسەبىنەن ەڭبەك ونىمدىلىگى مەن دياگنوستيكانىڭ ۇتقىر قۇرالدارىن ءوندىرۋ نورمالارى 2 ەسەگە ارتتى.

جول شارۋاشىلىعىن دياگنوستيكالاۋدىڭ جاڭا جۇيەسىنە كوشۋمەن تىركەۋىشتەرسىز المالى-سالمالى ەكىجىپتى دەفەكتوسكوپتاردى كەزەڭ-كەزەڭمەن جۇمىستان شىعارۋ جانە دەفەكتوسكوپتى اربالاردىڭ وپەراتورلارىنىڭ شتاتىن 900 بىرلىككە وڭتايلاندىرۋ كوزدەلگەن. بوساتىلعان ءاربىر قىزمەتكەر بويىنشا جۇمىسپەن قامتۋدىڭ جەكە باعدارلاماسى قاراستىرىلعان. جۇمىس كۇشى جەتكىلىكتى ۋچاسكەلەردە قايتا وقىتۋ جانە جۇمىسقا ورنالاستىرۋ بويىنشا شارالار كوزدەلگەن. زەينەتكەرلىك جاس الدىنداعى جۇمىسكەرلەردىڭ زەينەتكە مەرزىمىنەن بۇرىن شىعۋ باعدارلاماسى ىسكە قوسىلدى.

كومپانيا Mدك دەرەكتەرى نەگىزىندە قىمبات جولدى جوندەۋ سحەماسىنا دۇرىس باسىمدىق بەرۋ، قىسقا مەرزىمدى جانە ۇزاق مەرزىمدى جوندەۋدى جوسپارلاۋ ءۇشىن جۇمىس كولەمىن ءبولۋ، ەڭ باستىسى تەمىرجولدىڭ تۇراقتى جۇمىسىن قامتاماسىز ەتۋ ءۇشىن جوندەۋ تەحنولوگياسىن ساقتاۋ مۇمكىندىگى بار دەپ سانايدى.