"قتج-جۇك تاسىمالدارى" ءجشس-نىڭ قىزمەتىندە زاڭبۇزۋشىلىقتار انىقتالدى، دەپ حابارلايدى Dalanews.kz باسەكەلەستىكتى قورعاۋ جانە دامىتۋ اگەنتتىگىنە سىلتەمە جاساپ.
اگەنتتىكتىڭ استانالىق دەپارتامەنتى كومپانياعا قاتىستى تەرگەۋدى اياقتادى. ونىڭ باستالۋىنا قازاقستان مەن قىرعىزستاننىڭ ۇلتتىق ەكسپەديتورلار قاۋىمداستىقتارىنىڭ، سونداي-اق ءبىرقاتار كولىك-ەكسپەديتورلىق كومپانيالاردىڭ شاعىمدارى نەگىز بولعان.
"تەرگەۋ بارىسىندا "قتج-جۇك تاسىمالدارى" ج ش س جۇك تاسىمالداۋ جوسپارلارىن كەلىسۋ كەزىندە اففيلييرلەنگەن كومپانيالارعا – "KTZ Express" اق مەن "كەدەنترانسسەرۆيس" اق-عا باسىمدىق بەرگەنى انىقتالدى. وسى ارقىلى جەكەمەنشىك ەكسپەديتورلىق ۇيىمداردىڭ جۇمىسىنا كەدەرگى كەلتىرگەن. اتالعان ارەكەتتەر "قتج-جۇك تاسىمالدارى" ج ش س تاراپىنان مونوپوليالىق جاعدايىن تەرىس پايدالانۋ رەتىندە باعالاندى"، – دەپ ءتۇسىندىردى ۆەدومستۆو.
22 تامىزدا سوت كومپانيانى 1،4 ملرد تەڭگە ايىپپۇل تولەۋگە مىندەتتەدى. قاراجات مەملەكەت كىرىسىنە تۇسەدى.
15 قىركۇيەكتە اپەللياسيالىق القا ءبىرىنشى ساتىداعى سوتتىڭ شەشىمىن وزگەرىسسىز قالدىردى.
