ق ر پرەمەر-مينيسترىنىڭ ءبىرىنشى ورىنباسارى رومان سكلياردى ايماق باسشىسى نۇرلىبەك نالىبايەۆ «قورقىت اتا اۋەجايىنىڭ» جاڭا تەرمينالىنىڭ جۇمىسىمەن تانىستىردى، - دەپ حابارلايدى Dalanews.kz.
«مەملەكەت باسشىسى قاسىم-جومارت كەمەل ۇلىنىڭ تاپسىرماسىمەن، قازاقستان رەسپۋبليكاسىنىڭ پرەمەر-مينيسترى ولجاس اباي ۇلىنىڭ قاتىسۋىمەن 2024 جىلى 12 قاراشادا «قورقىت اتا اۋەجايىنىڭ» جاڭا تەرمينالى اشىلدى. جوبانى ىسكە اسىرۋعا «بولات وتەمۇراتوۆ قورى» 16،6 ملرد تەڭگە ينۆەستيسيا سالدى، جەرگىلىكتى بيۋدجەتتەن ينجەنەرلىك-كوممۋنيكاسيالىق ينفراقۇرىلىمعا 4،3 ملرد تەڭگەدەن استام قاراجات ءبولىندى»،– دەدى ن.نالىبايەۆ.
اۋە ايلاعىنىڭ وتكىزۋ مۇمكىندىگى 7 ەسە، ياعني جىلىنا 300 مىڭنان 2 ملن جولاۋشىعا دەيىن ارتتى. جاڭا تەرمينال حالىقارالىق اۋە كولىگى قاۋىمداستىعىنىڭ (IATA) جانە حالىقارالىق ازاماتتىق اۆياسيا ۇيىمىنىڭ (ICAO) جوعارى ستاندارتتارىنا سايكەس كەلەدى.
بۇگىندە «قورقىت اتا اۋەجايى» ارقىلى «AirAstana»، «Fly Arystan» جانە «Qazaq Air» اۋە كومپانيالارى اپتاسىنا 26، اتاپ ايتقاندا استانا قالاسىنا 16، الماتىعا 10 رەيس ورىنداۋدا.
رومان سكليار جاڭا تەرمينال ايماقتىڭ الەۋمەتتىك-ەكونوميكالىق دامۋىنا، ساۋدا-ساتتىق كولەمىنىڭ وسۋىنە وڭ سەپتىگىن تيگىزەتىنىن ايتتى.
