بۇل تەحنولوگيالاردان ەلەكتروماگنيتتىك ساۋلەلەر ادام اعزاسىنا تەرىس اسەر بەرەتىنىن ەستە ۇستاعان ءجون. بۇل باس اۋرۋىنا، شارشاۋعا، زەيىننىڭ تومەندەۋىنە، سونداي-اق كورۋ مەن قان قىسىمىنىڭ ناشارلاۋىنا اكەلەدى.
سانيتاريالىق-ەپيدەميولوگيالىق ساراپتاما ورتالىعى ەلەكتر جانە ماگنيت ءورىسىنىڭ، سونداي-اق ەلەكتروستاتيكالىق ءورىستىڭ دەڭگەيىن باقىلاۋ ءۇشىن جۇمىس ورىندارىنداعى ارنايى ولشەۋلەر جۇرگىزەدى.
كەڭسە تەحنيكاسىنىڭ تەرىس اسەرىن ازايتۋ ءۇشىن كەيبىر نۇسقاۋلاردى ورىنداۋ قاجەت:
• بىرنەشە كومپيۋتەر بولعان جاعدايدا ولاردىڭ قابىرعالاردىڭ پەريمەترى بويىنشا ورنالاستىرىڭىز.
• ەلەكتروماگنيتتىك ساۋلەلەنۋدەن قورعايتىن مونيتورلاردى قولدانىڭىز.
• مونيتوردى تاڭداعاندا قورعانىس دەڭگەيىنە جانە رادياسياعا نازار اۋدارىڭىز.
• جۇمىستان كەيىن كومپيۋتەردى ءوشىرىڭىز.
• كەڭسەنى تازا ۇستاڭىز جانە اۋا ساپاسىن جاقسارتۋ ءۇشىن يونيزاتورلاردى قولدانىڭىز.
• مونيتوردى كوزدەن ىڭعايلى قاشىقتىقتا، ال جۇيەلىك بلوكتى پايدالانۋشىدان الىس ورنالاستىرىڭىز.
جۇمىس ورنىن دۇرىس ۇيىمداستىرۋ ەلەكتروماگنيتتىك ورىستەردىڭ ءسىزدىڭ دەنەڭىزگە تەرىس اسەرىن ازايتۋعا كومەكتەسەدى. جىلىنا كەمىندە ءبىر رەت جۇمىس ورىندارىندا كومپيۋتەرلەردەن ەلەكتروماگنيتتىك ساۋلەلەنۋدى باقىلاۋ ۇسىنىلادى.
