2025 جىلعى 30 ماۋسىمنان باستاپ رەسەي ۆيزاسىز رەجيممەن كٸرەتٸن تمد ەلدەرٸ ازاماتتارى ٷشٸن مٸندەتتٸ ونلاين تٸركەۋدٸ ەنگٸزەدٸ. قازاقستان ازاماتتارى, ونىڭ ٸشٸندە 6 جاستان اسقان بالالار, شەكارادان ٶتۋگە دەيٸن كەمٸندە 72 ساعات بۇرىن RuID قوسىمشاسىنا تٸركەلٸپ, ساۋساق ٸزدەرٸن تاپسىرۋى تيٸس. ميگراتسييالىق تالاپتاردىڭ كٷشەيۋٸ "اتامەكەن" قر ۇلتتىق كەسٸپكەرلەر پالاتاسى تٶرالقاسىنىڭ لوگيستيكا جەنە تاسىمالداۋ كوميتەتٸنٸڭ اۆتوموبيل كٶلٸگٸ جٶنٸندەگٸ شاعىن كوميتەت وتىرىسىندا تالقىلاندى, دەپ حابارلايدى Dalanews.kz.
تالقىلاۋ قورىتىندىسى بويىنشا ۇكپ سىرتقى ٸستەر مينيسترلٸگٸنە لوگيستيكا, ساۋدا جەنە جەتكٸزۋگە تٶنەتٸن قاۋٸپتەرگە بايلانىستى جاڭا تالاپتارعا تٷسٸنٸكتەمە بەرۋ جايىندا رەسمي حات جولدادى. قازاقستان رەسپۋبليكاسىنىڭ رەسەي فەدەراتسيياسىنداعى ەلشٸلٸگٸنٸڭ جاۋابىندا 7 كٷننەن كەيٸن كٷشٸنە ەنەتٸن نەگٸزگٸ ٶزگەرٸستەر راستالدى.
ەلشٸلٸك ۇسىنعان اقپاراتقا سەيكەس, بۇل قادام – ازاماتتاردىڭ جەنە ازاماتتىعى جوق تۇلعالاردىڭ رەسەيگە كٸرۋٸ مەن شىعۋىنا قاتىستى ەرەجەلەردٸ سىناقتان ٶتكٸزۋ بويىنشا مەملەكەتتٸك ەكسپەريمەنتتٸڭ بٸر بٶلٸگٸ بولىپ تابىلادى.
«2024 جىلعى 1 جەلتوقساننان باستاپ قازاقستان ازاماتتارى مەسكەۋدٸڭ حالىقارالىق ەۋەجايلارىنا (دومودەدوۆو, شەرەمەتەۆو, ۆنۋكوۆو, جۋكوۆسكيي) جەنە ورىنبور وبلىسىنداعى ماشتاكوۆو اۆتوكٶلٸك ٶتكٸزۋ بەكەتٸندە بيومەترييالىق دەرەكتەر – بەت بەينەسٸ مەن ساۋساق ٸزدەرٸن تاپسىرۋى قاجەت. 2025 جىلعى 30 ماۋسىمنان باستاپ بۇل پروتسەدۋرا رەسەي مەملەكەتتٸك شەكاراسىنان ٶتەتٸن بارلىق بەكەتتەرگە قولدانىلادى», – دەلٸنگەن رەسمي جاۋاپتا.
بۇل بيزنەسكە قالاي ەسەر ەتەدٸ?
رەسەي نارىعىمەن بەلسەندٸ جۇمىس ٸستەيتٸن قازاقستاندىق بيزنەس ٷشٸن بۇل ٶزگەرٸستەر ەلەۋلٸ قاۋٸپ تٶندٸرەدٸ. جاڭا ەرەجەلەر ەسٸرەسە ەكسپورتقا باعىتتالعان ايماقتارداعى شاعىن جەنە ورتا بيزنەسكە تٸكەلەي ەسەر ەتەدٸ.
مەسەلەن, جٷك جەنە جولاۋشى تاسىمالىندا جٷرگٸزۋشٸلەردٸ تۇراقتى تٸركەۋ قاجەتتٸلٸگٸ تۋىندايدى. بۇل ەكٸمشٸلٸك شىعىنداردى ارتتىرىپ, مارشرۋتتاردى ۇيىمداستىرۋعا كەتەتٸن ۋاقىتتى كٶبەيتٸپ, شەكارادا كٸدٸرٸستەرگە ەكەلۋٸ مٷمكٸن. سونداي-اق, رەسەيلٸك اۋماقتاعى ۇزاقمەرزٸمدٸ جوبالارعا قاتىسۋ قيىنعا سوعادى (ماۋسىمدىق جۇمىستار نەمەسە ٸسساپارلار).
شەكارادان ٶتۋ رەسٸمٸنٸڭ كٷردەلەنۋٸ ساۋدا-ەكونوميكالىق ىنتىماقتاستىققا دا ەسەر ەتۋٸ مٷمكٸن: ٸسكەرلٸك موبيلدٸلٸك تٶمەندەپ, كەلٸسسٶزدەر مەن ٸسكەرلٸك ٸس-شارالارعا قاتىسۋ ازايادى, بۇل ترانسشەكارالىق ساۋدادا شوب بەلسەندٸلٸگٸنٸڭ تٶمەندەۋٸنە الىپ كەلۋٸ ىقتيمال.
مەسەلە استانا قالاسىنىڭ كەسٸپكەرلەر پالاتاسىندا دا كٶتەرٸلدٸ.
«بٸز تاۋارلاردى رەسەيدەگٸ زاۋىتتارعا فۋرامەن جٶنەلتەمٸز. ەندٸ جٷرگٸزۋشٸلەر RuID جٷيەسٸندە تٸركەلٸپ, QR-كود الۋى قاجەت. ماۋسىم باستالعاندا اتالمىش ٷردٸسكە ەشكٸم دە ەزٸر ەمەس. قازٸردٸڭ ٶزٸندە كٷرٸش, جەمٸس-جيدەك, كٶكٶنٸس تاسىمالىنا كٶلٸك جەتٸسپەۋشٸلٸگٸ بايقالۋدا», – دەدٸ كٷرٸش ەكسپورتتايتىن «ابزال ي ك» كومپانيياسى ديرەكتورىنىڭ ورىنباسارى ايگٷل قوسمۇراتوۆا.
بيزنەس ٶكٸلدەرٸنٸڭ ايتۋىنشا, فۋرا جٷرگٸزۋشٸلەرٸ جاڭا تسيفرلىق رەسٸمدەردٸ قابىلداۋعا قۇلىقسىز. ولار قوسىمشادا تٸركەلٸپ, دەرەكتەردٸ جٷكتەپ, راستاۋدى كٷتٸپ وتىرعىلارى كەلمەيدٸ. بۇل جاپپاي شەكاراداعى كٸدٸرٸستەرگە, جەتكٸزۋ ٷزٸلٸستەرٸنە جەنە رەسەيلٸك سەرٸكتەستەرمەن كەلٸسٸمشارتتىق ايىپپۇلدارعا الىپ كەلۋٸ مٷمكٸن. بۇدان بٶلەك, قر ۇكپ باسقارما تٶراعاسىنىڭ ورىنباسارى مۇرات امرين اتاپ ٶتكەندەي, ەۋرازييالىق ەكونوميكالىق وداق (ەاەو) كەلٸسٸمٸ اياسىندا تاۋارلار مەن قىزمەتتەردٸ ەركٸن قوزعالىسقا شىعارۋ قاراستىرىلعان.
قىسىمنىڭ قوسىمشا فاكتورى – قازاقستان ازاماتتارىنىڭ رەسەيدە بولۋ مەرزٸمٸنٸڭ قىسقارۋى. 2025 جىلعى 1 قاڭتاردان باستاپ قر ازاماتتارى رەسەيدە كٷنتٸزبەلٸك جىل ٸشٸندە 90 كٷننەن ارتىق بولا المايدى (بۇرىن 180 كٷن ٸشٸندە 90 كٷن بولاتىن). بۇل ۇزاق ٸسساپارلارعا, ماۋسىمدىق جۇمىستارعا جەنە باسقا دا ٸسكەرلٸك بەلسەندٸلٸك تٷرلەرٸنە مٷمكٸندٸك اياسىن تارىلتادى.
ۋەكٸلەتتٸ مەملەكەتتٸك ورگان ٶكٸلدەرٸنٸڭ ايتۋىنشا, قازٸرگٸ ۋاقىتتا رەسەيلٸك تاراپتىڭ شارالارىنا جاۋاپ رەتٸندەگٸ ەرەكەتتەر تالقىلانۋدا. دەگەنمەن, قر ٷكٸمەتٸ تاراپىنان رەسمي ۇستانىم ەزٸرگە جارييالانعان جوق.
ۇلتتىق كەسٸپكەرلەر پالاتاسى قازاقستان جەنە رەسەيدٸڭ مەملەكەتتٸك ورگاندارىمەن جاڭا تالاپتاردىڭ جٷزەگە اسىرىلۋ بارىسىن باقىلاپ, كەسٸپكەرلەر مەن تاسىمالداۋ كومپانييالارى ٷشٸن تۋىنداۋى مٷمكٸن قيىندىقتارعا جەدەل ەرەكەت ەتۋ ماقساتىنداعى جۇمىسىن جالعاستىرادى.
