قوستانايدا دەرٸگەردٸ ۇرعان ناۋقاس سوت الدىندا جاۋاپ بەردٸ. ايىپتالۋشى سوت وتىرىسىندا بٸردەن ٶكٸنەتٸنٸن ايتىپ, كٸنەسٸن تولىق مويىندادى, دەپ حابارلايدى Dalanews.kz 31 ارناعا سٸلتەمە جاساپ.
قوستانايلىق دەرٸگەر انتون كيستانوۆقا قول كٶتەرگەن – ونىڭ قۇرداسى, 34 جاستاعى ابىلايحان سەرٸنجەپوۆ بولىپ شىقتى. ول ٷيلەنگەن, ٷش بالاسى بار, جشس-تە جٷرگٸزۋشٸ بولىپ جۇمىس ٸستەيدٸ. ايىپتالۋشىنىڭ سٶزٸنشە, بٷيرەگٸندەگٸ تاس سالدارىنان بولعان قاتتى اۋىرسىنۋ, ۇزاق كٷتۋ جەنە ۋرولوگتىڭ دٶرەكٸ سٶيلەگەنٸ ونى قول كٶتەرۋگە يتەرمەلەگەن.
“ول ماعان: "نە ٷشٸن دەنساۋلىق ساقتاۋ مينيسترلٸگٸنە قوڭىراۋ شالدىڭ, ساعان ول نە بەرەدٸ?" – دەدٸ. مەن: "سۇراقتارىڭدى كەيٸن قوي, مەن مىنا اۋىرسىنۋعا شىداماي تۇرمىن" دەدٸم. تۋرا ۇستامانىڭ الدىندا تۇرعانداي ەدٸم. ول بولسا: "سەن نە, دەلٸزدە قويشا ايقايلاپ, مەنٸ ٸزدەپ جٷرسٸڭ بە?"– دەدٸ. سول سەتتە مەن شىداي الماي ۇرىپ جٸبەردٸم, ٶزٸم دە قالاي بولعانىن تٷسٸنبەي قالدىم”, – دەدٸ سەرٸنجەپوۆ سوتتا.
بۇعان دەيٸن ابىلايحان سەرٸنجەپوۆ جەدەل جەردەممەن اۋرۋحاناعا جەتكٸزٸلٸپ, ۋرولوگ ەم تاعايىنداپ, اۋىرسىنۋدى باسقان بولاتىن. الايدا جاعدايى قايتادان ناشارلاعان سوڭ, دەرٸگەر قايتا كەلۋگە كەڭەس بەرگەن. دەرٸگەر انتون كيستانوۆ ول كٷندٸ ناقتى ەسٸنە ساقتايتىنىن, بٸراق قابىلداۋ بٶلٸمٸنە تٷسەر سەتتەن كەيٸنگٸ جايتتى مٷلدە ۇمىتقانىن ايتتى. مي جاراقاتى سالدارىنان ونىڭ جادى عانا ەمەس, دەنساۋلىعى دا زارداپ شەككەن.
“الدا ەلٸ دە كٶپتەگەن كٷتپەگەن سالدار بولۋى مٷمكٸن. قان قىسىمىنىڭ كٶتەرٸلۋٸ, ەپيلەپسييالىق ۇستامالار, كيستا پايدا بولۋى جەنە تاعىسىن تاعى. نەيروحيرۋرگتار جارتى جىلعا دەيٸن, تٸپتٸ ودان دا ۇزاق ۋاقىت بويى گەماتوما تارالماۋى ىقتيمال دەيدٸ”, – دەدٸ زارداپ شەككەن دەرٸگەر انتون كيستانوۆ.
ايىپتالۋشىنىڭ بۇعان دەيٸن دە قىلمىستىق جاۋاپكەرشٸلٸككە تارتىلعانى بەلگٸلٸ بولدى: ول توناۋ ٸسٸ بويىنشا شارتتى جازا العان, سونداي-اق جٷرگٸزۋشٸ كۋەلٸگٸنسٸز كٶلٸك تٸزگٸندەگەنٸ ٷشٸن قوعامدىق جۇمىستارعا تارتىلعان. ەندٸ ول ابايسىزدا ادام دەنساۋلىعىنا اۋىر زييان كەلتٸرگەنٸ ٷشٸن ەڭ كٶپ دەگەندە 1 جىلعا باس بوستاندىعىنان ايىرىلۋى مٷمكٸن.
