قوستانايدا 2026 جىلدىڭ 1 ساۋىرىنەن باستاپ جىلۋمەن جابدىقتاۋ تاريفتەرى وزگەرەدى، دەپ حابارلايدى Dala news.
ق ر ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ قوستاناي وبلىسى بويىنشا دەپارتامەنتىنىڭ 27 اقپانداعى №26-ود بۇيرىعىنا سايكەس، جىلۋ ەنەرگياسىن ءوندىرۋ، بەرۋ، ءبولۋ جانە جابدىقتاۋ قىزمەتتەرىنە جاڭا تاريفتەر بەكىتىلدى.
جاريالانعان مالىمەتكە سايكەس، قوسىلعان قۇن سالىعىن قوسا ەسەپتەگەندەگى ورتاشا تاريف:
•بيۋدجەتتىك ۇيىمدار ءۇشىن – 58 075،26 تەڭگە/گكال (ءوسىم 16،6%)؛
•وزگە تۇتىنۋشىلار ءۇشىن – 21 678،46 تەڭگە/گكال؛
•حالىق ءۇشىن – 5 438،87 تەڭگە/گكال.
سونداي-اق جىلۋ ەنەرگياسىن ەسەپتەۋ قۇرالدارى بار جانە جوق تۇتىنۋشىلار ءۇشىن سارالانعان تاريفتەر بەكىتىلگەن.
تولىق اقپارات ۋاكىلەتتى ورگان مەن كاسىپورىننىڭ رەسمي سايتىندا جاريالانعان.
